(کابل ټکی کام، ۱۳۹۶، سلواغې ۲۲) د افغانستان او زمبابوی تر منځ د پنځوس اوريزې کرکټ لړۍ دوهمه لوبه نن شنبه ترسره کېږي.
ټاکل شوې، چې ننۍ پنځوس اوريزه لوبه به د افغانستان پر وخت د ماذيګر پر درې نيمو بجو د شارجې په نړيوال لوبغالي کې پيل شي.
تر دې مخکې افغانستان له زمبابوی څخه د شل اوريزو لوبو لړۍ وګټله او ورپسې د پنځوس اوريزو لوبو پنځه يوه ورځينۍ لوبې پيل شوې، چې په لومړۍ لوبه کې يې زمبابوی ته د ۱۵۴ منډو په توپير ماتې ورکړه او دوهمه لوبه به نن کېږي.
د نړيوالو سياليو په روانه لړۍ کې به د پنځوس اوريزو لوبو درېيمه لوبه د فبرورۍ په ديارلسمه، څلورمه لوبه په شپاړلسمه او وروستۍ لوبه په نوولسمه نېټه ترسره کېږي.
د دواړو هېوادونو د کرکټ لوبډلو تر منځ تر دې مخکې شل نړيوالې يو ورځينۍ لوبې کړي چې دولس افغانستان او اته زمبابوی ګټلي دي.
