لیکوال: عبدالجلیل “مالیار”
غلا ناروا، حرام او ناوړه عمل ده، اسلامې شریعت هم غلا تا د هغې په اندازه د سزا قوانین ټاکلي دي.
تاسو به دغلا ډیر ډولونه لیدلي وی، خو زه به یو داسې غلا درته معرفې کړم چې لا هم ډیر ورته غلا نه وایي او یا هم دغلا په نوم یی نه پیژني،هغه ادبي او فرهنګې غلا ده.
ادبي غلا څه ته وایي؟
ادبي غلا هغې غلا ته وایي چې بو شاعر،لیکوال، او یا ادیب د بل چا شعر، لیکنه یا اثار په خپل نوم کړی او خپل یی ګڼي.
په ټولنه کې داسی لیکوالان، شاعران او د علم خاوندان شته چې ادبي غلا کوی خو ځان ورته تر ټولو شریف سړی ښکاری، که ورته اوایی چې غل یی نو جنګ څه چې ان بې مرګه دې هم نه پریږدي.
یو شاعر، لیکوال، او ادیب به یو لیکنه، شعر او یا کتاب په ډیر تکلیف او زیار سره لیکلئ وي مګر د ټولنې تر ټولو بدتیرین او غټ غل به یی په ډیره اسانه سره غلا کړی او دخپل نوم لاندی به یې چاپ او خپور کړي.
ما څه وخت وړاندې په یوه کتاب خانه کې د (افغاني پاچاهانولنډ ژوند لیک)تر عنوان لاندې هغه کتاب چې څو کاله وړاندې نومیالي لیکوال شهید بشیراحمدریان تقبله الله لیکلئ او خپور کړی و.
دغه کتاب یو بل چا چې غلا او په خپل نوم چاپ اوخپور کړی و، کټ مټ یی همغه د ریان تقبله الله کتاب راخیستئ و خاص یو نوم یی خپل ور زیات کړی و.
ما چې کله دغه کتاب او دغله لیکوال نوم ولیده، یقینآ ودریدیم او افسوس مې وکه، چې ټولنه کې لیکوال، ادیب، شاعر، او یا لوستې شخص غلا کوی او هغه هم داسې ښکاره غلا نو د ټولنې له نالوستو کسانو نه به څه طمعه، او څه ګیله وکړو.
مونږ ولی له دومره تعلیم سره سره بیا هم د ادبي غلا کول،غلا نه بولو راځې چې ځانونه او نور پوهه او خبر کړو چې له دغه ناوړه عمل څخه لاس واخلي.
که یو لیکوال، او یا شاعر داسې ادبي غلا کوي باید لومړی یی خبر کړو، که بیا هم دغه ناوړه عمل او غلا نه پریږدی بیا یی رسوا، بدنام او تهدید کړو، او نور پزی خبر کړو چې فلان ادبې غل ده او له چاپ کتابونو یی ډډه وکړو،
لکه څنګه چې په ټولنه کې د پیسو او نورو شیانو غله ته په بده سترګه کتل کیږي، نفرت تری کیږي، او دټولنې بدترین شخص بلل کیږی همداسې باید له یو ادبي غله سره هم چلند وکړو تر څو د دغه ناوړه عمل، او ادبي غلا مخه ونیسوو.
