(کابل ټکی کام، ۱۳۹۶، سلواغې ۲۸) پرون د افغانستان او زمبابوی تر منځ د یو ورځنيو سياليو څلورمه لوبه وه او د لوبو دغه لړۍ هم د افغانستان په ګټه تمامه شوه.
د لوبې پچه زمبابوی وګټله او د توپ وهنې پريکړه يې وکړه.
زمبابوی په ۳۸ اورونو کې ټول لوبغاړي له لاسه ورکړل او افغانستان ته يې د ۱۳۵ منډو هدف وټاکه.
د افغانستان لوبغاړو له خوا مجيب ځدران ښه توپ اچونه وکړه، پنځه کسان يې وسوځول او د لوبې غوره لوبغاړی ونومول شو، دغه راز راشدخان او محمد نبي دوه دوه لوبغاړي وسوځول او شرف الدين اشرف يو لوبغاړی وسوځاوه.
د افغانستان توپ وهونکو محمد شهزاد او احسان الله جنت له لوري ښه توپ وهنه ترسره شوه او يواځې په ۲۲ اور کې يې بغير له کوم لوبغاړي سوځېدلو سره ټاکلی هدف پوره کړ او زمبابوی ته يې د لسو ويکټو په توپير ستره ماتې ورکړه.
محمد شهزاد ۷۵ منډې جوړې کړې او احسان الله جنت ۵۱ منډې وکړې او د پنځوس يو ورځنيو سياليو لړۍ د افغانستان په ګټه پاری ته ورسېده.
تر دې مخکې د دواړو هېوادونو تر منځ د شل اوريزو سياليو لړۍ هم افغانستان ګټلې وه.
