لیکوال : احمد منصور
گرانو هیواد والو ۱۷ لس کاله مخکې مونږ په هیواد کی یو اسلامی نظام درلود، یو پر امنه قانون وه، غلا چا نه شوی کولی، زنا چا نه شوی کولی، د چا عزت ته چا په بده سترگه نشوای کتلی، اسلامی حدود په هر مجرم جاری کیدل، د هیواد ځمکه فضا مو په واک کی وه، امت او ملت د همدغه نظام په مشر چی امیرالمؤمنین ملامحمد عمر مجاهد (رحمه الله) وه راټول ول، د نظام واګې مو د هغه خلکو په لاس کې وې، چی زمونږ او تاسو خوږ پيغمبر حضرت محمد ﷺ خپل وارثان نومولي وه چی هغه علماء کرام دی، خو دغه نظام کفارو او د هغوی مزدورانو ته د منلو وړ نه وه، زمونږ نظام یی راړنگ کړو، زمونږ د قران کریم بی حرمتی یې وکړه، زمونږ د پيعمبر ﷺ بی حرمتی یې وکړه، زمونږ.د هغی کلمی بی حرمتی یی وکړه په کومی کلمی چی مونږ مسلمانان يادېږي، زمونږ مساجد او مدارس یی رابمبار کړل، زمونږ په کورو یی چاپی واچولی، تور سرې را بې عزته کرې او سړي يې رانه په وهلو وهلو د تورو تنمبو شا ته یوړل.
زمونږ ځوان نسل یې فحشاء ته د دعوتولو او د خپلو تبلیغاتو په زور هغه افغانان چی د دوی پر ضد جنگیږی د بدنامولو او قسما قسم تورونو لگولو لپاره یی بی شمیره تلویزونې چینلونه، مؤسسی او انجیوگانی اخبارونه او جریدې جوړې او تأسیس کړې، ترڅو د دغو رسنیو پرمټ ځوان نسل فحشا ساز او سرود ته دعوت کړی له ذهنونو یی جهادی مفکوره حذفه کړي او پر ځای غربي او کفري مفکوره وربلوتوت کړي همداسې دوی د همدغو رسنیو له لاری کوشش کوي چی طالبان پردو ملکو ته منسوب کړی او داسی وښايي چی طالبان دغه جگړه د گاونډیو ملکو په مرسته او اشاره کوی، چی تر ډیر حده دوی په دی تبلیغاتو کی کامیاب سوی، د هیواد د ښارونو او خصوصا د کابل خلک یی د طالبانو په سپېڅلې مبارزه شکمن کړي دي.
محترمو کابل میشتو هیوادوالو ! پام چی د دوی په دا ډول پوچو تبلیغاتو ونه غولیږئ ، دوی چی طالبان تاسو ته دهشتگر ترهگر معرفی کوي، په اصل کی دهشتگر او ترهگر همدوی دي، ځکه دوی زمونږ په هیواد یی یرغل کړی، زمونږ ازادي يې راڅخه غصبه کړې، زمونږ د مقدساتو سپکاوی یې کړی، زمونږ یو داسی نظام يې راته رنگ کړو، د کوم نظام لپاره چی مونږ قربانۍ ورکړې او لایی ورکوو.
گرانو کابل میشتو مسلمانانو ! امریکایان طالبان د لاندی یادو ملکو افراد بولی:
پاکستان ایران روسی او چین.
لومړی راځو پاکستان ته، که چېرې رښتيا طالبان د پاکستان خلک وی، ولی یی بیا په خپله واکمنۍ کی پاکستان سره ډیورند کرښه نه امضاء کوله، کله چې ۱۷ لس کاله مخکی امریکا له طالبانو شیخ اسامه ـرحمه الله – غوښته او پاکستان څو ځلی علماء طالبانو ته واستول تر څو اسامه امریکا ته ور وسپاري، ولی يې بیا د پاکستان هغه غوښتنې نه منلی؟
که طالبان رښتيا د پاکستان لپاره کار کولی نو اوس به پاکستان طالبان د سولی مېز ته کښېنولي وی.
همداسی له روس مرسته اخستونکي یی چې بولي دا هم هیڅ حقیقت نه لري، طالبان به څنګه له هغو خلکو سره دوستی وکړي کومو خلکو چی زمونږ هیواد يې په کډواله بدل کړو، کومو خلکو چی د طالبانو نیکونه او پلارونه شهیدان کړي، روسیه خو د افغانانو زړه دوشمنه ده.
همداسی طالبان له ایران څخه مرسته اخستونکي بلل، دا هم سل په سل کی دوروغ ده، ځکه کله چې د طالبانو په وخت کی ایران وغوښتل د افغانستان په سرحداتو یرغل راوړي، سمدلاسه د طالبانو نظامی قطعات د ملا صیب په امر هرات ته ورسېدل او ملا صیب وویل که ایران په افغانستان د یرغل کولو نیت لري، نو مونږ به یی بیا تر اصفهانه پسې واخلو.
نو گرانو کابل مېشتو هیواد والو ! امید دی چې تاسو ته به څه حقایق درمعلوم شوي وي چې طالبان د دې هیواد رښتوني اوسېدونکي او د دې هیواد رښتوني وارثین دي، د دې پر ځای چې د طالبانو په پاکه مبارزه شکي شي، د طالبانو د واک لاندې ساحو ته لاړ شئ بیا به درته معلوم شي چې طالبان د هیواد رښتونی قشر دی او هغه خلک چی طالبان د نورو هيوادو افراد بولي له هغوی ژوندي ثبوتونه وغواړئ.
