لیکوال : احمد منصور
تقریبا دوه میاشتي د مخه مې په همدې عنوان یوه لیکنه کړې وه چې د ډېرو ورونو د خوښۍ وړ ګرځېدلې وه، په هغې لیکنه کې مې اسلام پالو مبارزینو ته هغه تېروتنې ورپه ګوته کړې وې، کومې چې پکې وي، لکه د ملا صیب (رح)، منصور صیب (رح) یا د شیخ صیب حفظه الله تصویرونه د مقابل جهت کوم مشر سره یو ځای کول او بیا له ملګرو رایه غوښتل چې کوم یو غوره ده، همداسې د بل لیکوال لیکنه د ځان په نوم کول او داسې نورې تیروتنې وي چې تر ډېره حده اسلاپال مبارزین ورته متوجې شول.
خو دا د بل لیکوال ليکنې ځان پسې لیکل اوس هم دا تېروتنه مبارزینو کې موجوده ده.
گرانو ! هره لیکنه د لیکوال خپل نظر وی، د بل لیکوال لیکنه خپلول، زما په آند مناسب عمل نه دی، ځکه لیکوال په ډېره سختۍ یوه لیکنه وليکي، څو ځلې نظر پرې واچوي چې کوم ځای کې املايي تېروتنې نه وي او بیا يې ويب سایټونو ته واستوي، بیا دا غم ورسره وي چی ويب سایټونه به يې نشر ته وسپاري که نه؟ ، کله يې چې ويب سایټونه نشر کړي، ته يې په ډېر آسانۍ سره کاپي کړې او خپل نوم ورسره وليکې، يقينًا چی ښه عمل نه دی، که ستاسو هغه لیکنه خوښه شوې وي، نو هغه ځان پسې مه لیکه، نشروه يې، خو د لیکوال نوم ترې مه ورانوه، داسې به ته له یو خوا دا مفیده لیکنه نشر کړې او لیکوال به هم په دې کار درنه خوشحاله شي، له بلې خوا به د دې مفیدې ليکنې د نشرولو له وجې الله تعالی اجر درکړي.
مبارزینو ورونو ! لکه څنګه چې تاسو ته معلومه ده د اوس وخت لپاره فیسبوک زمونږ او تاسو لپاره یو ښه وسیله ده، ترڅو د دعوه گرو تش په نوم بشرپالو اصلي څیري دنیا والو ته ور ښکاره کړو، د امت مظلومیت او د کفارو مظالم نړیوالو ته رسول، زمونږ او ستاسو مسؤلیت دی، ځکه له کفارو او د هغوی له مزدورانو زمونږ همېشه هيڅ هم په امن کې نه دي، داسې ورځ نه تېرېږي چې یوه مور يې بوره کړې نه وي، داسې ورځ نه تېرېږي چی یوه خور کونډه يې کړې نه وي، آن چې زمونږ د مقدساتو بې حرمتیانې هم کوي.
څو ورځې پس پهغرب کې د یوې رسنۍ لخوا یو پروګرام جورېږي، که چا د مسلمانانو هر ډول بې عزتي وکړه، په دې پروګرام کې يې ورته انعام ورکول کېږي.
محترمو مبارزینو ! بیداره اوسئ، ځکه له هر لوري زمونږ په دین یرغلونه روان دي، څوک مو د قران بې حرمتي کوي، څوک مو د پيغمبر ﷺ بې حرمتي کوي او څوک مو ملا پسې بد وايي.
که مونږ او تاسو سستي وکړو، د کفارو مظالم چی په مسلمانانو يې کوي، نړیوالو ته يې ونه رسوو، په ورځ د قیامت به د الله ﷻ په نزد مجرمان حسابېږو، الله رب العزت خو دې داسې نه کوي.
