(کابل ټکی کام، ۱۳۹۷، غوایی ۱) د افغانستان د تکواندو ملي لوبغاړو د ايران، پاکستان او عراق تکواندو ټيمونو ته ماتې ورکړه.
د تکواندو د ملي ټيم روزونکی بشیر ترکي وايي، د ملي ټيم لوبغاړو دغه بريا د تکواندو په ۲۹ پړاو نړيوالو سياليو کې ترلاسه کړې.
د ترکي په خبره، اوس مهال د ایران په ده فجر سياليو کې د دولس هېوادونو لوبغاړي برخه لري او تمه ده چې افغانستان به پکې مهم مډالونه خپل کړي.
په دې سياليو کې شپاړلس افغان لوبغاړو ګډون کړی چې نن يې د لوبو لومړۍ ورځ وه.
د افغانستان د تکواندو ملي لوبغاړو تر دې مخکې هم د ايران په ده فجر سياليو کې لوبې ګټلې چې مهم مډالونه يې ترلاسه کړي دي.
