د چین په جنوب کې د بوډنګ ښار یوه اوسېدونکي وصیت کړی و چې نوموړی باید د تابوت پر ځای د هغه په خپل موټر کې کښېښول شي او وروسته ښخ کړل شي.
د نوموړي کورنۍ یې هم تر مرګ وروسته ارمان ورپوره کړ او د هغه په خپل موټر کې تر ایښودلو وروسته یې موټر د یوه ایکسکواټور په وسیله قبر ته ورکښته کړ، او خاورې یې پر واړولې.
د دې کس نوم نه دی ښوول شوی، خو خپلوانو یې ویلي چې له ماشومتوب راهیسې یې له موټر سره زیاته مینه درلوده.


















