مولوي فضل ربي (کوه صافي وال)
۱.الربا وان كثر فان عاقبته تصير الي قل .مسند احمد
ترجمه : سود (د سود ګټه) که هرڅو زیاته شي اخر یې بېرته کمښت ته ځي .
۲.المسلمون اخوة ، لافضل لاحد علي احد الابالتقوي .كنز العمال
ترجمه : مسلمان د مسلمان ورور دی د یو د پاره پر بل باندې څه بهتري نشته مګر په تقوی سره ده .
۳. لَا تَصُومُ الْمَرْأَةُ وَبَعْلُهَا شَاهِدٌ إِلَّا بِإِذْنِهِ. صحیح البخاري
ترجمه : ښځه د پداسې حالت کې (نفلی) روژه نه نیسي چې خاوند یې په کور کې وي مګر د هغه په اجازه سره.
۴. لَا تُصَرُّوا الْإِبِلَ وَالْغَنَمَ. صحیح البخاري
ترجمه : د اوښې او مېږې غولانځ کې شودې مه ذخیره کوئ (ددې لپاره چې د خرڅ په وخت کې ورباندې خریدار دوکه کړئ او هغه ته دا په ذهن کې ورکړئ چې دا ډېرې شودې کوي).
۵.ركعتان من عالم افضل من سبعين ركعة من غير عالم .كنز العمال
ترجمه : دوه رکعتونه د هغه چا چې عالم وي له اویا رکعتونو د هغه چا څخه غوره دي چې عالم نه وي .
۶. لَا تُعَذِّبُوا بِعَذَابِ اللَّهِ. صحیح البخاري
ترجمه : د الله تعالی په عذاب (اور) سره عذاب مه ورکوئ .
۷. لَا تُطْرُونِي كَمَا أَطْرَتْ النَّصَارَى ابْنَ مَرْيَمَ. صحیح البخاري
ترجمه : زما په ستاینه کې دومره افراط مه کوئ لکه نصاراوو چې د حضرت عیسی ابن مریم علیهما السلام په اړه وکولو (هغه ته یې د خدای زوی وویل) .
۸. نعم الشفيع القرآن لصاحبه يوم القيامة .كنز العمال
ترجمه : غوره شفاعت کوونکی قران کریم دی چې د خپل ملګري (د هغه چا لپاره چې په دنیا کې یې تلاوت کاوه او په قرآن کریم باندې یې عمل کاوه) لپاره د قیامت په ورځ شفاعت کوي .
۹. رحم الله من حفظ لسانه وعرف زمانه واستقامت طريقته .كنز العمال
ترجمه : الله تعالی د په هغه چا باندې رحم وکوي چې خپله ژبه یې وساتله ، خپل وخت یې و پېژندلو او لاره یې سیده کړه
۱۰. لَا تَكْذِبُوا عَلَيَّ. صحیح البخاري
ترجمه : (رسول الله صلی الله علیه وسلم فرمايي) په ما پورې درواغ مه تړئ .
