سره له دې، چې نړيوال طيبي ماهرين دنورو امراضو د څېړنو تر څنګ د سرطان په څېړنو بوخت دي او لا تراوسه پورې يې د دې مودې مرض بشپړ درملنه نه ده موندلې؛ خو د دې مرض څخه د ژغورنې چې څوک پرې اخته نشي، لارې چارې په ګوته کوي. يوزې دومره لارښونه کوي، چې کوم شيان ياخواړه دسرطان سبب ګرځي. د هغو څخه بايد ځانونه وژغورل شي.
د ډبليو ، ايچ اونړيوالې ادارې څېړنو ښودلې ده، چې سېګرټ او پرلپسې د سرې کړې غوښې خوراک دسرطان دمرض سبب ګرځي . د دې ادارې ماهرينو چې په تېر کال کې يې څېړنې کړي دي ، په سلو کې ۶۵ کسانو دسرطان سبب يې سېګرټ او پرلپسې سره کړې غوښې استعمال ښودلی دی. که څه هم مونږ دسرې کړې غوښې د خوراک په اړه د مخه هم يوه ليکنه کړې وه؛ خو د نورو زياتونو سره مونږ اړ شو چې لوستوالو ته کافي معلومات په لاس ورکړو . د يادې ادارې طيبي مارين وايي، چې دسېګرټو او زیاتې سرې کړې غوښې استعمالونکو دغاښونو په سرطان اخته کېږي .
د روان کال په لومړيو کې د اسټراليا طيبي ماهرينو يوه سروې وکړه، چې د سولې سروې او څېړنو څخه دا په لاس راغله ؛ لومړۍ : بايد دسېګرټو څخه په بشپړه توګه ځان وساتل شي.
دويم :دزيات لمر څخه، چې وړانګې يې پر بدن اثر کوي او ترحده زياته ګرمي دانسان بدن ته ورکوي بايد ځان ترې وژغورل شي.
داسټراليا طيبي ماهرينو په روان کال کې د سرطان د مريضانو ،چې د لمر شعاع وې ورته زياتې رسيدلي، شمېر ۷۲۲۰ تنه ښودلی، چې دله دې يادو مريضانوڅخه دوه برابر د سېګرټو عادي کسان دي. بله داچې هغه کسان چې د ډول ډول غوړو خوراکونو عادي غټ والی (چاغېدل) پکې زيات وي دسرطان سبب ګرځي .
ماهرين وايي د زياتو غوښو او غوړو خوراکونو پرځای بايد سبزي استعمال کړل شي.
