(کابل ټکی کام، ۱۳۹۸، غویی ۱۰)
په برازيل کې يوې ښځې او خاوند له تيرو نږدې دوو لسيزو راهیسې په يوه دښته کې د ونو کرل پيل کړي و چې اوس له يادې دښتې ځنګل جوړ شوی دی.
دا ځنګل یوه انځور اخيستونکو سيلګيډو او د هغه ميرمن ليليا ډيليويز جوړ کړی وايي، چې ده او ميرمنې يې په ۱۹۸۹ کې د ونو کرل پيل کړل چې اوس یو لوی ځنګل شوی او د ايټلانټک فاريسټ په نوم یاديږي.
ياد ځنګل په ۱۷۵۰ هکتاره ځمکه کې جوړ شوی چې اوس پکې ډول ډول مرغان، حشرات او ماهيان ژوند کوي.
که څه هم په یاده ځمکه کې ونې کرل اسان نه و ځکه چې په ټوله ځمکه کې لويې ډبرې، لوړې او ژورې وې نو لومړی يې په څه مزدورکارانو یاده ځمکه برابره کړه او وروسته ورسره د یوې خيريه ټولنې له خوا د د يولک بوټو مرسته وشوه.
د دغه ځنګل پالونکي وايي، واړه بوټي په لومړيو کې ډير پام غواړي خو چې لږ غټ شي نو بيا په خپله خپل ځان ساتلی شي.
دا چې په یادې ځمکې ډيرې ونې کرل کيدې نو د دغه ځنګل جوړوونکو ورته خپلې ځمکې خرڅې کړې او ديرش زره بوټي يې وپلورل تر څو ټولې ځمکې ته ورسيږي.
په انځورونو کې د ۲۰۰۰ م کال دښته او د ۲۰۱۹م کال ځنګل ليدلای شۍ.
