یمن: دایران ملاتړ لرونکو ملېشو له سور سمندرګي څخه په وتلو پېل وکړ

کابل ټکی کام ( یکشنبه، ۲۲ غوايي ، ۱۳۹۸ل)

دایران له ملاتړ برخمنو د یمن په لویدیځ کې پرتو یاغیانو د سور سمندرګي له دوو څنډو او دریو بندرونو وتل پیل کړي دي.

 دا وسله وال د دغه سمندر په دریو مرکزونو کې دېره وو. دغه ډله چې حوثي نومېږي ویلي یې وو چې د سویډن په ستاکوهلم کې د ډسمبر میاشتې د سولې له جوړجاړي سره سم به له یادو مرکزونو ووځي.

 دا په داسې حال کې ده چې ملګرو ملتونو پرون وویل، حوثي یاغیانو منلې چې د سور سمندرګي له دریو مرکزونو به وځي.

دا سیمې چې له ۲۰۱۴ کال راهیسي د حوثیانو په ولکه کې دي وګړي یې سختو بشري مرستو ته اړتیا لري چې د ملګرو ملتونو د راپور له مخې دې اړمنو ته د مرستې رسولو په موخه حوثیانو سره خبرې شوې دي څو دلته میشتو اړمنو ته لازمې مرستې ورسېږي.

ایران لاهم تراوسه ددې په اړه کوم غبرګون ندی ښودلی.