سرلیکنه
په افغانستان کې د روانې جګړې په اړه غرب مشربه رسنۍ د عامه اذهانو د تروړلو په موخه داسې زهر شیندي چې ګوندې جګړه د افغان فوځ او طالبانو ترمنځ ده مګر که څوک عمیق فکر وکړي او وګوري نو د لمر په څېر به ورته جوته شي چې واقعیت داسې نه دی، بلکې یقین به وکړي چې روانه جګړه د بهرنیو یرغلګرو ځواکونو او طالبانو ترمنځ د حق او باطل تر مینځ پيل شوې خو هغه په نوم افغانان چې د طالب په وړاندي د بهرنیو یرغلګرو ځواکونو لخوا جوړشوي، تجهیزشوي او روزل شوي او لا هم دا لړې دوام مومي، دا ډول په نوم فوځ خو په اصل کې د بهرنیو یرغلګرو د باډي ګارډانو حیثیت لري او خپل اصالت چې ملي فوځ دی هیڅکله هم نشي لرلای بلکې آن د بهرنيو لپاره هم بي حیثیته او دوهم نمبر درجه لري.
د دغو په نوم عسکرو او قوماندانانو خو په اصل کې د امریکایانو ګارډانو ته یرغلګر بهرنيان دومره حثیت هم نه ورکوي چې د يوځای او یو چا تربمبار کولو وړاندي ورسره تماس قدرې هم ونيسي او یا لږ تر لږه خپل اهداف ورسره شريک کړي.
دا لا څه چې پخپله بهرنیان هم باور پرې نلري، ډير ځله چې د یرغلګرو زغروالې عرادې تيريږي نو داخلي دغه په نوم عسکر خو په اصل کې د هغوی باډي ګارډان بې وسلې کوي اويا له سيمي ورته د وتلو امر کوي او دوی هم بې درنګه سیمه ورته خالي کوي.
هوايي بمبارۍ او شپنۍ چاپې هغه عمليات دي چې له ولسمشر او دفاع وزارت نه نيولې بيا تر واليانو او امنیې قومندانانو هيڅ چاته يې هم معلومات نه ورکول کيږي او بهرني یرغلګر چې په دې عملياتوکې هر ډول کړنې ترسره کوي نو هیڅوک ورنه پوښتنه قدرې هم نشي کولای!
دا ځکه داسې ښکاري چې په بدنام امنیتي تړون کې دا هر څه ورسره منل شوي نو ځکه د افغانستان قضائیه اومقننه ارګانونه هم د امریکایانو پر وړاندې کوم حیثیت نلري.
نو ځکه بايد ومنو چې زموږ ځمکه او فضا دواړه اشغال دي او زموږ حکومت او نورې ټولې ادارې د بهرنيانو د قرارداديانو حثيت لري اوبس.
نو ځکه دلته هر ډول پریکړې آن ټاکنې هم د بهرنيانو د قراردادي چوپړ لپاره تش د یوه ثبت نام حیثیت لرلای شي.
نو په دې اساس په زغرده ویلای شو چې د افغانستان اوسني هسې په نوم پولیس، فوځ او نور ټول امنیتي ارګانونه یواځې او یواځې د بهرنیانو د ګارډ دنده ترسره کوي او امنیتي قراردادیان دي. پاتې نور ټول حکومتي او دولتي بنسټونه او ملکي ادارې مو پرته له شکه د امریکایانو او د هغوی د حلیفانو ملکي قراردادیان دي او بس، او که هسې ځان او ملت تیرباسو نو دې ته به د ملي حکومت او ملي فوځ، ملي پولیس او نور نومونه ورکوو.
نو سړی دې ته حیران شي چې د دې ځینې ځینې خلکو په تیره رسنیو سترګې ړندې شوي که ضمیرونه یې مړه شوي.