تحلیلګر : امین وردګ
په قطر که د امریکا او طالبانو تر منځ نږدې یو کلنۍ خبرې) د ټرمپ له خوا( یو دم په ټپه ودرېدلې؛ علت یې څه ؤ؟
دغې پوښتنې ته سیاسي مبصرین، شنونکي او تحلیلګران ډول- ډول ځوابونه وايي؛ خو زما په آند: دا د سیاسي پېچلتیا یوه مقطعي دمګۍ ده!
ټرمپ دومره هم ساده او لېونی مه ګڼۍ چې د یوه کس په وژلو سره دې داسې لویه غلتي وکړي.
هو! دا کېدای شي چې د لنډ وخت لپاره د طالبانو غوڅ دریځ نومړی قهرولای وي او دغې محرکې او پاروونکې نکتې یې په سرشار او متکبر دماغ بد اثر کړی وي چې)) طالبان د امریکې شرائط نه مني او زره لا هم له خپل هدف او دریځ څخه نه شاته کیږي(( او بله دا چې؛ دوی د ټرمپ او یوه عادي امریکایي تر منځ توپير او امتیاز ته نه دي قائل!
خو د ټرمپ دا بيړنۍ او غیر معقوله پرېکړه تر شا ډېر څه لري، چې وخت به یې ثابت کړي.
ما تخمیناً د سولې په هکله نږدې په هره مقاله کې په زغرده ویلي چې:
-امریکایان مات شوي، نو د وتلو لپاره به هره ممکنه لاره چاره لټوي؛ هغه که سوله وي او که د ماتې اعتراف ، یا تېښته.
– هغوی د طالبانو موقف ضعیفول غواړي.
– او دا چې امریکا هېڅکله هم په افغانستان کې سوله، سوکالي او آرامي نه غواړي.
بیا هم وایم چې امریکایان به له طالبانو سره په یو نه، یو ډول موافقتلیک امضا کوي او دغه کار ته تر ټولو د امریکا تلوسه ډېره ده، خو پېچتیا او اغلاق به له دغې هوکړې وروسته هم وي چې هغه به په بین الافغاني خبرو کې ښکاره شي.
والله اعلم
