د روانې مياشتې په سرکې ، چې امريکا د ايران او سعودي ترمنځ تاو تريخوالي ته زمينه برابره کړه او د دواړو هېوادونو ترمنځ په لوی لاس راپيدا کړو اختلافاتو د زياتوالي لپاره په پراخه کچه تبليغات پېل کړل، سعودي يې دېته اړ کړ ، چې نه يوازې خپل؛ بلکې د غربي نړۍ اړيکې د ايران سره کړکيچنې کړي تر څو ايران ، چې که څه هم له امريکې سره يې د اټومي پروګرام پر سر روغه کړې ده؛ خو بيا هم امريکا او اسرائيل د اسلامي هېوادونو له جملې نه ايران خپل ستر مخالف او دښمن بولي.
په ايران کې د اسلامي انقلاب له پېله ، چې د شاهي نظام سره د امريکې او اسرئيلو اړيکوته د پای ټکی کيښودل شو، په ۲۰۱۵ز کال کې د ايران او ۱+۵ هېوادونو ترمنځ پر ايران د لګول شوو بنديزونو د پای ته رسولو په اړه هم موافقه وشوه ، چې دې موافقې د اسرائلو لپاره اندېښنې را ولاړې کړي.
د روانې اونۍ په سرکې چين د ايران او د سعودي ترمنځ د اختلافاتو له منځ وړلو لپاره د بهرنيو چارو د وزارت مرستيال سعودي او ايران ته د منځګړتوب لپاره ولېږه ولس هم اعلان وکړ ، چې د دواړو هېوادونو ترمنځ د اړيکو په ښه والي کې منځګړتوب کولای شي؛ خو پاکستان چې هم د سعودي او هم د ايران سره ژورې اړيکې لري ، يوه لوري سره هم د اړيکو د کموالي په صورت کې د تاوان توان نه لري. د پوځ سر لښکر او خپله د پاکستان لومړي وزير د سعودي او ايران د شاه او د ايران د جمهور رئيس حسن روحاني علاوه يې د دواړو هېوادونو د لوړ پوړو چاوراکو سره وليدل. د تېرو څو ورځو په نسبت دواړو هېواودونو د سعودي او ايران ترمنځ تبليغ ، چې يو د بل پرخلاف يې کول، يو څه راکم شول او هم د سعودي سره د ملاتړ په نامه نورو هېوادونو د ايران سره د اړيکو په پای ته رسولو کې د اختلاف څرخ ودرېد، چې دې کړنو د امريکا او اسرائلو انديښنه زياته کړه . پاکستان د تېرو شوو کلونو راپه دېخوا د ډول ډول توغنديو ازموينه کوي ؛ خو تر اوسه پورې پرې له هند څخه علاوه نورو کومو هېوادونو انديښنه نه ده خودلې؛ خو تېره ورځ چې پاکستان د (رعد) په نامه ۳۵۰ کيلو مترو په فاصله هدف ويشتونکی توغندی و ازمايه، اسرائيلو يې پرې انديښنې ښکاره کړي؛ چې اصلي وجه يې د پاکستان لخوا د ايران او سعودي ترمنځ منځګړتوب دی.
د ايران د دفاع وزير حسين دهقان د پاکستان سرلښکر راحيل شريف او لومړي وزير نواز شريف سره په ليدنه کې د دوی د منځګړتوبه په مننې سره په سيمه کې د ترهګرۍ د پای ته رسيدا ټينګار هم وکړ ، ويې ويل: سعودي او ايران د يو بل د ښمنان نه دي ؛ خو د اسلام دښمنان يې اختلافاتو ته راکاږي .
بله داچې دهقان د سعودي په اړه وويل : سعودي د ايران او امريکا ترمنځ موافقې سره هم انديښنه لري ، چې په دې انديښنه کې امريکا او اسرائيل دواړه شريک دي، امريکا او اسرائيل غواړي چې يوازې سعودي او ايران نه ؛ بلکې نور اسلامي هېوادونه هم يو له بل سره په مخالفتونو اخته کړي.
