شعر
محمدمعين الدين ابوالفضل
هرڅه چې کړې کوه يې نن ورځ دې وار دی
صبا په تاپسې زما نوبت تيار دی
(۱):درپسي ګورم ليکم ستا جفاګانې
له ياده نه وځي زما ستا ويناګانې
په ياد ساتلي مې ستا هر يوګذار دی
(۳):تاته سبب د طغیان زما احسان سو
پوره په تادرقیب خبیث ارمان سو
ماته راتلل اوکتل وتاته عار دی
(۴):ګوره ونکړې ګمان چي زه غافل يم
ستا پرګفتاراوکردار باندي جاهل یم
کړَيْ مي وخت اونېټې ته انتظار دی
(۵):کړم به درياده هره یوه سرکښي ستا
هره جفا اوګنا هره ټګی ستا
اوس در رغلی تاته په لاس اختيار دی
(۶):ای ابوالفضله ډېره بېتابی مه کړه
عاقبت ستادئ نصيب ګرياني مه کړه
في الحاله زغم اوصبردرته پکاردی
