انجنیر عمیر ویاړ
پداسې حال کې چې د ملګرو ملتونو په فورم د فلسطين د تاريخي ربړې يو اویا کلونه وشول او د امنيت شورا د ۱۹۴۸م کال په ګڼو پریکړو کې دا منلې وه چې دلته به د عرب او اسراېيلو دوه هیوادونه جوړیږي او د بيت المقدس سیمه به د ملګرو ملتونو لخوا اداره کيږي؛ خو اوس امریکا په خپل ناقانونه عمل سره ، چې له تل ابيب څخه يې خپل سفارت بیت المقدس ته ولېږداو، د دغې قضيې پر اور یوځل بیا تیل توی کړل او د غاصبو اسراېيلو په خپل پلیت خره سورړولو سره مساله نوره هم بغرنجه کړه؛ چې له امله يې د حماس جهادي او مبارزې ډلې پر مشرتابه په پرلپسې توګه د اسرايیلو لخوا هوایی ګوزارونو سره مرګ ژوبله اړوي او حماس ګوند مجبورا د غچ اخیستلو او عکس العمل په ښودلو یاده ولسي ډله په اسراېيلو د توغنديو ورولو ته اړ شوې او په ځواب کې يې اسراېيل د عامو خلکو په کورونو درنې او ړندې بمبارۍ ترسره کوي؛ چې لامله يې بی شمیره خلک د زده کوونکو په شمول شهيدانوي
نن د ښوونځيو زده کوونکو تړیوال ضمير بیدارولو او د صهيونستانو مظالمو ته متوجه کولو لپاره د جګړې د بندولو غوښتنه کړیده .
په اسلامي هيوادونو کې د ترکیی او تونس د ولسمشرانو هر یو رجب طیب اردوغان او قیس سعید پرته کوم بل ولسمشر خپل مسؤلیت اداء نکړ ؛ خو ان شاء الله چې یواځې د فلسطینيانو توغنديې بریدونو هم د یهودو خوبونه تښتولي دي.
