«سرليکنه »
په ( ژنيو ) کې ، چې د ملګرو ملتونو له خوا رابلل شوې غونډه په ناکامۍ پای ته ورسيده ، څو لاملونه يې لرل ، چې د سور يې د جګړې د دوام سره د سولې په وړاندې هم خنډونه واقع شول او يوازې دا نه ، چې په ژنيو کې يې د سولې خبرې د خنډ سره مخ کړې ؛ بلکې د بلې راتلونکې غونډې په اړه هم د سوريې د دولت مخالفو ګوندي مشرانو د نه ګډون ګواښونه وکړل. په سوريه کې په ښکاره ډول د پنځو کالوراپه دېخوا اختلافات او جګړې پېل شوي دي ؛ خو په ژور نظر ، چې وکتل شي د روانو نا امنيو د راتلو لپاره د ۲۰۰۱ کال را په دې خوا داسې کړنې کيدې چې د سوريې جګړه يې منځ ته راوسته ، چې د نه حل راپورونه يې ورکول کېږي. څه وخت ، چې د ملګرو ملتونو لخوا د سوريې په چارو کې د ځانګړې استازي د مشورا لخوا د بلې غونډې لپاره د روانې مياشتې ورستۍ اونۍ اعلان شوه او روانه غونډه بې نتيجې پای ته ورسيده .
په ازادو رسنيو کې په سوريه کې بېلا بېلو دولت مخالفو ګوندي مشرانو په لار د ستونزود پيدا کيدو ګوته ونيول شوه؛ خو د امريکا د فاع وزارت د سوريې په اړه په ژنيوکې د غونډې ناکامۍ دروسيې په غاړه واچوله ، چې د روسيې هوايي ځواکونه په سوريه کې بمباري کوي، چې پکې د سوريې بې ګناه کسان وژل کېږې او د سوريې د سولې په خنډ واقع شوه .
د امريکا د فاع وزارت ويلي ، که د روسيې لخوا په سوريه کې بمباري دوام وکړي د سولې په وړاندې به نورې ستونزې هم را ولاړې کړي ؛ خو د امريکايي چارواکو څخه چې د کندوز په ښار او د هلمند په موسی کلا ولسوالۍ کې د ناټو او امريکا هوايي ځواکونو د بمباريو په اړه پوښتنه وشوه، ويې ويل: زمونږ بمباري د سولې په موخه کېږي ، مونږ سوله ييزې بمبارۍ کوو تر څو د افغان دولت د مخالفو وسلوالو په مقابل کيد دولتي ځواکونو سره همکاري وکړ.تر اوسه پورې په رسنيو کې د جګړي ډول ډول راپورونه ورکول شوي دي؛ خو د سوله ييزې بمبارۍ خبر به مو نه وي اوريدلي!
هغه هوايي ځواکونه ، چې په افغانستان کې په خپلو بمباريو سره افغانان وژني هغه سوله ييزي او چې په سوريه کې ټولې نړۍ ته ګواښونکې ډلې داعش په مرکزونو د روسيې الوتکې بمباري کوي هغه د سولې په وړاندې خنډونه ښوودل کېږې . دا د لمرپه څير څرګنده ده ، چې په افغانستان کې د سولې او امن مخه د بهرنيو هېوادونو د پوځونو شتون دی که بهرني پوځيان زمونږ له هېواده ووځې ، بيامخالفينو وسلوالو ته د جګړې کولو لارښودل کېږي، خو چې په افغانستان کې يې جګړه د خپلو اهدافو د پورته کولو لپاره پيل کړې ده ، نه غواړي افغانستان کې سوله راشي.
