اروپا کې بې سر پرسته افغاني  ماشومان په بد اخلاقیو روږدي  شول!

« سرليکنه »

څومره ، چې په هېواد کې زور واکې او نا امني  زياتېږي هومره له هېواده د بهر وتونکو په شمېر کې زياتوالی راځي .

په ۲۰۱۰ او ۱۰۱۲ ز، هغه افغانان اروپايي هېوادونو ته روان وو ، چې له هېواد څخه د شته ژوندانه څخه دهوسا ژوند په لټه کې وو؛ خو اوس د ۲۰۱۲ نه تر۲۰۱۵ پورې اروپا ته د تلونکو  افغانانو د ژوند په برخليک کې جدا توپير راغلی دی .

د امريکا جمهور رييس اوباما ، چې په واشنګټن کې تر ۲۰۱۶ز پورې له افغانستان څخه د خپلو او ناټو د پوځونو د ايستنې او پوځي ماموريت د پای ته رسېدو اعلان وکړ هغو افغانانو ، چې د بهرنيو پوځونو په  موجوديت  کې  يې له بېلا بېلو لارو په مياشت کې زرګونه ډالر اخستل د هغوی ارادې د اروپايي هېوادونو د تلو په لوري وا وړيدې؛ ځکه د بهرنيو پوځونو په غير موجوديت کې هغه ډالري معاش بيا نه ورته ترلاسه کيده.

 همداسې وشول د ۲۰۱۶ کال په پای ته رسيدو ، چې د بهرنيو پوځونو جنګي  ماموريت  پای  ته ورسيد اروپا ته  د تلونکو ځوانانو ، چې اکثريت يې د۱۶-۱۳ کلونو ترمنځ و، له افغانستان څخه ووتل يو شمېر پکې تر۱۸کالو پورې هم وو؛ خو افغانان په دې خاطر ، چې اروپايي هېوادونه  د کم عمر ماشومانو ته تابعت په اسانۍ سره ورکوي ځوان نسل له افغانستان څخه په ووتلو شو،  په ۲۰۱۵ کې چې افغاني تنکي ځوانان اروپايي هېوادونو ته روان شوي دي د تېرو شپږو کالو په پرتله شمېر زيات دی. ناروې او سويډن ته زيات شمېر د کم عمر افغاني ماشومان د بې سرپرستو په نامه ورغلي دي ، چې دې دواړو هېوداونو افغاني بي سرپرستو ماشومانو ته د استوګنې ځانګړی ځای جوړ کړي دی او په درې مياشتو کې ترې يوځل پوښتنې کېږي ، چې دې ټولو افغاني ماشومانو په هېواد کې د روانې جګړې له امله د خپلې کورنۍ مرګ او نيونې يادونې کړي دي ، چې ګويا په خپل هېواد کې د کورنۍ کوم سرپرست نه لري ټول يې په جګړو کې د لاسه ورکړي دي .

د استراليا د بهرنيوچارو وزارت ويلي ، چې دوي ته په ۲۰۱۵ کال کې له بلجيم ، اتريش ، سويډن ، افغانستان او آن د امريکا څخه افغاني تنکي ماشومان ورغلي دي؛ خو د افغاني ماشومانو د اوسيدو له کمپه ډاکټرانو راپور ور کړی ، چې زيات افغاني د کم عمرماشومان په بې خوبۍ او رواني ناروغيو اخته شوي دي .

په دې راپورکې ، ويل شوي دي ، چې د افغانيو ماشومانو  څخه يو شمېر  په بد اخلاقيو روږدي شوي دي ، چې  پکې د پوښتنو پرمهال يو شمېر ماشومانو جنسي اړيکوته نږدي والی خپل مجبوريت او تنګلاسي بللې ده .

د ناروې د يوه روغتيا کمپ نرسه ( ان روسن) په اروپايي هېوادونو کې د ميشتوالي او قبولتيا په اوسيدونکو افغاني ماشومانو په اړه راپور کې ويلي ، چې که په افغانستان کې نا امني دوام وکړي د کم عمره ماشومانو په ورتلو کې به نور زياتوالی هم راشي ، چې د دوی د بد اخلاقيو کنترول  به ورته ګران شي ؛ ځکه افغاني ماشومانو د اروپايي هېوادونو د ډيموکراسۍ نه هم يو قدم پورته بد اخلاقيو باندې روږدي  شوي دي .