ظلم یو داسې اور دی چې که کلونه هم پرې تیر شي نو د مظلوم په زړه کې وی
جمع وترتیب : عبد الله صدیقي
ښوونکي یې بې موجبه پر لښته وواهه نو مامون ورڅخه پوښتنه وکړه چې ولې دې ووهلم؟!
ښوونکي وویل: چُپ شه..
او چې مأمون ورڅخه هر څومره پوښتنه کوله نو د ښوونکي جواب به یواځې همدا و چې چپ شه خو له شلو کلونو وروسته چې کله مأمون د خلافت منصب ته ورسیدو، خپل دغه ښوونکی یې راوغوښت نو ورڅخه یې وپوښتل زه چې کله هلک وم ولې دې ووهلم؟!
نو ښوونکی مُسکی شو او ویې ویل: تر اوسه دې نه دي هیر شوي؟
نو مأمون وویل: نه والله نه مې دي هیر شوي.
ښوونکي ورته وویل: دا د دې لپاره چې ته پوه شې چې مظلوم یې د یاده نه باسي!
پر هیچا ظلم ونکړې، ظلم یو داسې اور دی چې که کلونه هم پرې تیر شي نو د مظلوم په زړه کې وی او نه مري.
