کابل غږ
درمضان المبارک د بختورې مياشتې وروستۍ شپې شوې دامبارکه مياشت هم تيره شوه په بادشاه اوګدادواړو تيره شوه ، که چاپکې زيرمه کړي خوراکي توکي په ګرانه وپلورل اوکه چاپکې د خپل لوې رب العزت د شپې په تياره کې پټ عبادت وکړزيرمه کوونکو ته دګرانۍ او عابدانوته دعبادتونو مياشت په دواړو تيره شوه په چا په خالي دسترخوان او د چابه دسترخوان د ډول ډول نعمتونو ډک و.
چاپه تړمو اوبوروژه ماتوله او چا د خوندونواو نازونو په ډکو مشروباتو .
چا په ټنګنده غرمواوسوځنده ګرمۍ کې دخپلوبچولپاره له سهاره ترمازيګره له ځانه خولې وبهولې او چا په ګرمه هوا خو په سړه خونه کې ټوله روژه په خوبونوتيره کړه
دچا بچي د پرديوخيراتي کاليوته ناست وو او د چا بچوپه دوکانونوکې نوي ټوکرپه نوورنګونو سره خوښول.
په دواړو روژه تيره شوه ، په دواړو کمکى اختر را دبره شو شتمنوته خلک کورونوته داختر مبارکئ ته ورځي او بې وزلې څوک دخير خيرات په نامه د شتمنوپه دروازوکې هم نه پريږدي .
په اخترونوکې په هرچاخوښي راځي داخترپه ورځ دهرچا په دسترخوان طعامونه خواره شي خو دغريب د اولاد لاپه لاس کې همغه دپردي کورد ډوډۍ وچ ټوک نيولى دى.
د شتمنو بچوته خلک داختر په ورځ د مبارکۍ پرمهال دخوښۍ غاړې ورکوي خودغريب د اولاد پرغاړه د پرديو د موټرو دشيشو دپاکولو صافي پرته ده .
کابل غږ
آيا دا اختر يواځې دشتمنو اختردى؟
آيا په دې لويه دنياکې هيڅ څوک نشته چې دغريب اولاد په يوه جوړه کاليود نوروسره د اخترپه خوشحاليوکې شريک کړي. ؟
خوراکي توکي ځني وخت ګران شي خو دهېواد په مرکز او ولاياتوکې دروژې په مياشت او دا اخترپه ورځوکې هروخت ګران وي.
سږنى کال ترهرکال روژه سخته دګرمۍ روژه وه د نا امنيوله امله ترهانکانک او لواندا زموږ په هېواد کې زياته ګراني وه که هانکانګ د نړۍ دګرانبيه ښارونوپه لومړى او لوانداېې دوېېم ښآردې نو دهېواد مرکزاودهرولايت ښار په درييم ګرانبيه ښارونوکې شمير ل کيداى شي.
خير!
خيرکه دا دشتمنو اختردې يو وخت خو به داسې وخت الله هم راولي چې پرغريبوبه هم اخترشي او دهېواد مرکز او ولايات به د امن په راتلوسره ترسويس ،سنګاپوراو بلجيم هم ارزانبيه ښارونه يادکړل شي بيا که دشتمنو اختروي دغريبوبه هم اختروي.
