سرلیکنه
دناتوغړي هېوادونه یوځل بیا دامریکاپه مشرۍ په وارسا کې دافغانستان دبرخلیک دټاکلو په اړه سره راټول شوي دي ددې غونډې دمهمو برخوالو څخه به یو اوباما وي چې دافغانستان دبرخلیک دټاکلو په اړه به د ناټو له غړو یو ځل بیادمرستو څوګند اخلي .
دې غونډې ته دهېواد ولسمشر او اجرائیه رئیس ډاکټر عبدالله دواړه په داسې حا ل کې ورغلي دي چې نور ېې دداخلي اختلافاتو او د طالبانو دپرلپسې بریدونو له امله دحکومت وروستۍ ورځې اوشپې شمیرل کیږي.
د ملي یو والي دحکومت دواړه مشران دناتو سرمشریزې غونډې ته چې دپولنډ په مرکزوارسا کې جوړه شوی ده په دې هیله ورغلی چې د ناټو له غړیو هېوادونو د نورومرستوترڅنګ د ملي اردو او پولیسو تعلیمي پروګرامونه جاري وساتي
د ناټو په سرمشریزه غونډه کې چې دافغانستان موضوع ېې داجندا په لومړي سرکې ځای شوې ده ، او پکې به دافغانستان دموضوع علاوه دسیمې دحالاتو په اړه هم نظرونه سر ه شریک کړي.
افغاني چارواکي په دې خوښ دي چې د وارسا په غونډه کې ېې دافغانستان موضوع داجندا په سر کې نیولې ده خوامریکا ددې غونډې نه دافغانستان په نامه یوه بله سیاسي او سیالیزه ګټه پورته کوي چې دغونډې مشران به دروسي په اړه دورځ په ورځ مخ په زیاتیدونکو هلو ځلو هم بحث وکړي ځکه امریکا له روسيې یوځل بیا دسیمې دانډول دخرابولو اندیښنه لري .
دامریکايي چارواکو داندیښنو ترڅنګ سټولټنبرګ هم پرهغو خطرونو چې دناټو تړون ورسره مخامخ دی په خبروکې روسیې ته اشاره وکړه او ویې ویل چې مسکو په وروستۍ لسیزه کې خپل دفاعي مصارف دری چنده لوړ کړي او د اروپا د یوه خپلواک هېواد، اوکراین پر ضد یې له قوې کار اخیستی دی
دوارسادغونډې اصلي هدف دافغانستان په اړه داندیښنو لري کول او دروسېې دتګلارې په اړه چې د اکراین په اړه ېې خپله کړ ي ده دبحث تمرکز به پرې وشي خو د وراسا ګډونوال هېوادونه او امریکا يي چارواکي تبلیغوي چې په دې غونډه کې به دداعش دفعالیتونوپه اړه هم په یوه رغنده پالیسۍ کار وشي.
امریکايي رسنیوڅرګنده کړې چې د ناټو مشران به د انټرنټي حملو د مخنیوي او د دې تړون په مرکز کې د استخباراتي معلوماتو د شریکولو د ځانګړې برخې د جوړولو موافقه هم وکړي.
دوارسا په غونډه کې به دافغانستان دبرخلیک سره سره د وارسا غړي هېوادونه دینز ستولټنبرګ په غوښتنه دناټو دتړون د ګډ دفاعي سیسټم د عصري کولو او له خپلو پولو پورې سیموته د ثبات ورکولو لپاره نوي او سترګامونه پورته کړي چې په پولنډ، استونیا، لاتویا او لیتوانیا کې ېې دپوځي حضورپراختیا له خطر سره مخ ده.
داکټر اشرف غني اوډاکټر عبدالله په وارساکې دناټو دتړون سرمشریزې غونډې ته د افغانستان د برخلیک په اړه ورغلي چې ډک کچکول ترې راوړي خو دناتو دغړو هېوادونوسره بیا بله اندیښنه راپورته شوې اوهغه داچې وايي موږ تر ۲۰۲۰کال پورې دافغانستان سره دمرستو اودپوځ دتجهیز په اړه بحث کووخوتردې مخکې پردې بحث په کاردی چې داروپایي ټولنې څخه دبرتانیا په وتلو سره دناټو تړون له منځه لاړ نه شي .
اوباما خو د وراسا دغونډې د برخوالو ده داروپایې ټولني په دې اړه ډاډ ورکړی دی اما داچې دناټو دتړون د غړو هيوادونو د سرمشرانو سره کومه اندیښنه ده په دې اړه هم په غونډه کې یو تصمیم ضروري دي ځکه چې که داروپايی ټولنې دبې باوره کیدو وروسته دناټو تړون دې حالت ته ورسید نوبیا خودناټو تړون د افغانستان پرځای باید دخپل ځان دفاع وکړي .
دناټو ۲۸غړي هېوادونه خو به دوارساپه غونډه کې دافغانستان سره دخپل غوڅ ملاتړ دتمدید موضوع څیړي خوچې خپله ناټو تړون دخطر لاندې دی بیابه د افغانستان. سره څه وکړي؟
دولتي چاواکي خو اوس په دې ډاډه دي چې ناټو هرکال دافغانستان سره پنځه ملیارده ډالرمرسته کوي که له دې مرسته زیاته شي نو پو ځي توان به موغښتلی شي حال داچې پنځه ملیارده ډالر په پوځ نه مصرفیږي داد چارواکودغوښتنو اوخیالي پولیسو په تشکیلاتو مصرفیږي اشرف غني اوډاکټر عبدالله چې په کومه هیله دبرخلیک ټاکلو کچکولونه د وارسا غونډې ته وروړي ګمان نه کوم چې ډک به ېې تر ې راوړي.
