لیک لاروی
چین چې په نړیواله کچه یو تولیدکوونکی هیواد دی غواړي د خپلو تولیداتو کچه نوره هم لوړه کړي، چې د نړۍ په هره برخه کې به وروسته تردې د چین تولیدات وکارول شي.
د ملګروملتونو د انرژۍ د یوې سروې له مخې د نړۍ تر ټولو هیوادونو چین د بریښنا په تولید کې د مخه دی، چې اوس غواړي خپل بریښنايي تولید د لمریزې بریښنا څخه پوره کړي.
هرهیواد غواړي د اقتصاد په ډګر کې پرمختګ وکړي او خپل تولیدات نړیوال مارکیټ ته وړاندی کړي چې چین د تیر کال په نسبت په نړۍ کې ترټولو زیاته بریښنا د خپل اقتصاد د پیاوړتیا په موخه تولید کړې ده .
د نړیوالې انرژۍ ادارې د راپورپه اساس د نړې پنځمه برخه بریښنا چین تولیدوي او هر کال غواړي په خپلو تولیداتو کې د تیرکال په پرتله زیاتوالی راولي.
څرنګه چې چین زیاته بریښنا تولید وي هومره ېې مصرف هم دی، د نړیوالې انرژۍ د راپور له مخې تر۲۰۲۰کال پورې به چین خپل ټول سفرونه د بریښناپه وسیله کوي، چې همدا اوس هم د چین د یو شمیر ښارونو ترمنځ موټرې د لمریزې بریښنا په وسیله چلیږي .
چین د تیرکال په نسبت ۲۸،۹سلنه د بریښنا په تولید کې زیاتوالی راوستی دی، انګلستان ۱۰،۳سلنه ،هند ۹،۵سلنه او ارجنټاین چې هم د بریښنا زیات تولیدوونکی هیواد یادیږي ۲۳،۶سلنه زیاتوالی ېې راوستی دی.
جنوبي افریقا، بلژیک،ایران،سویس او تایوان هم د تیرکال په نسبت د بریښنا په انرژۍ کې زیاتوالی راوستی دی؛ خو ترټولو زیاته بریښنا چې د لمریزی بریښنا تولید یې په ټوله نړۍ کې زیات دی چین تولیدوي .
چین غواړي د وړو موټرو، ویګنو او بس سرویسونو ترڅنګ اورګاډي او الوتکې هم بریښنایی کړي ترڅو د زیاتو تولیداتولرونکی هیواد شي.
