رفیع الله اتل
راځه غمونه پر زړه پټ وساته
سـوي اهونه پر زړه پټ وساته
دلته د غم باران څاڅوکي اوري
اوښکي رودونه پر زړه پټ وساته
یتیمه! هیچاء تـسلي در نه کړل
د پلار نازونه پر زړه پټ وساته
کونډه، او بوره مور تنها په ویر ده
د درد زخمونه پر زړه پټ وساته
دلته زخمي ته درملنه څوک کړي؟
د زړه حـالـونه پر زړه پټ وساته
اچین د غم د ځانګو ښکار وګرځېد
د غــم ټـالـونه پر زړه پټ وساته
منډی،بالونه یې ټول پوره وشمارل
خـو مات هـډونه پر زړه پـټ وساته
اتل اچین په زړه داغلی جوړ کړم
د غم خیالونه پر زړه پټ وساته
