بریال عاطف
د ډیرو کسانو دا عادت وي چې د ناستې په وخت کې یوه پښه پر بلې پښې باندې اړوي خو په دې به خبر نه وي چې دا ډول ناسته یې روغتیا ته زیان رسوي. کیدای شي دا عادت یو څه ارام ولري خو تر ګټو یې زیانونه زیات دی.
په یوه څېړنه کې ویل شوي چې د ناستې په وخت کې یوه پښه پر بله اړول د وینې د فشار د لوړېډو سبب ګرځي.
په څېړنه کې همداراز ویل شوي چې په دې ډول ناستې سره د ملا او غاړې درد پیدا کیږي ځکه چې ” زموږ بدن هغه وخت ډیر ارام وي چې کله دواړې پښې پر ځمکه وي. “
د څیړنې له مخې د یوې پښې په بلې باندې اړولو سره پښه ویده کیږي ځکه چې د پښو په شریانو باندې فشار زیاتیږي او له همدې وجې پښه د یوې یا دوو دقیقو لپاره ویده او یا هم فلج کیږي.
”د ناستې په وخت کې هڅه وکړئ چې دواړې پښې مو پر ځمکه وي په دې سره به مو روغتیا ته زیان نه، بلکې ګټه رسیږي. “
همداراز ”په هیڅ صورت تر ۱۵ دقیقو زیات په دې ډول مه کینئ چې یوه پښه مو پر بله اړولې وي. په هر یو ساعت کې ولاړیږئ او یو څو قدمه ګرځئ.“
