مولوي بسم الله حيدري جان
بېګاه مو شپه وہ د اسلافو له یادګارہ سرہ
د شریعت او طریقت له دنګ منارہ سرہ
زېړ مازدیګر یې څو خوږې را ته خبرې وکړې
لکه زبون وھلی ناست و له خپل یارہ سرہ
ماښام قریب و څو نغمې د اللہ شوې پورته
نا اشنا ذوق و مل له یاد د کردګارہ سرہ
د شپی اخېره حصه کې رب ته سجدې لګېدې
ډېرې ژړاوې مې تر غوږ شوې له چغارہ سرہ
د ورځې پیل بیا په ذکر د رحمان وشولو
تر فرض لمانځه ژبې لمدې وې له اذکارہ سرہ
(حیدري جانه) دغه شپه وه له سرور نه ډکه
څو قرآني قیصې مو واوریدې سھارہ سرہ


















