تبصره
د کورنیو چارو وزارت وایي د روزګان، هلمند او ننګرهار ولایتونو امنیه قوماندانانو د خپلو پولیسو ۳۰ میلیونه افغانیو میاشتني معاشونوله حیف ومیل وروسته په دغه وزارت کې ۴،۵ میلیارده افغانیو په پډو وهلو مخه ېې نیولې ده. خو دا مخنیونه یې په تیرکال کې یاده کړې ده چې په یاد شمیر میلیارده افغانیو مخه ېې که نه وای نیولی دا افغانۍ د خیالي پولیسو، لپاره خیالي معاشونو او د خیالي ژوند تیرولو مخه نیولې ده.
دا یواځې د کورنیوچارو د وزارت معلومات دي چې په تړاو ېې ۲۶۲ تنه نیول شوي دي.
د یاد وزارت چارواکو خو دا هم په ډاګه کړې ده چې د تیر کال په پرتله د خیالي پولیسو په خیالي معاشونو حواله کولو او په بډو وهلو کې دوه برابره کموالی راغلی دی مانا دا چې تیرکال به د یادو افغانیو دوه برابره خیالی معاشونه اخستل شوي وي.
دوه کاله وړاندې چې په نړیواله کچه افغانستان په فساد کې ککړ لومړی هیواد یاد کړل شو. هغه د خیالي پولیسو، خیالي مکتبونو کې دمعلمینو، خیالي مامورینو او آن دا چې په یو شمیر ولایاتو کې دخیالي پوستو او نظامي مرکزونو په نامه معاشونه او نور لګښتونه حواله کړل شوي دي.
په یوه هیواد کې چې د وزارت په یوه کال کې په ادارې فساد ککړ ۱۵ لوړپوړي او ۴۰ د مالي چارو اړوند مامورین ونیول شي هغه هیواد به لازما په نړیواله کچه په اداري فساد کې ککړ لومړی هیواد ګرځول کیږي.
په ۲۰۰۱م کال چې د بن په غوڼډه کې لومړی د کرزي په مشرۍ عبوري او بیا د انتخاباتو په نامه حکومت پر افغان ولس ور وتپل شو په هغه غونډه کې په افغانستان کې د درې لکو افغان پوځیانو د روزنې موافقه شوې وه چې د کورنیو او دفاع وزارتونو به په خیالي پولیسو نړیوالو ته پوره کول او افغانانوته یې د ناټو د پوځونو د وتلو وروسته د خپل هیوا د دفاع ډاډ ورکاوه. هغه ډاډ د خیالي پولیسو د شمیر ډاډ و چې تیر ۱۵ کاله یادو وزارتونو د خیالي ژوند په تمه خپلې شتمنۍ بهرنیو هیوادونو ته انتقال کړې.
د امریکا په سنا مجلس کې د سناتورانو وینا پرځای ده چې افغانستان ته امریکا په میلیاردونو ډالر ورکړل خو هغه په خپل ځای مصرف نه کړل شول بلکې شخصي جیبونو ته ولاړل او ډیر کم شمیر یې په نظامي او نورو برخو کې مصرف کړل شوي دي.
اوس چې د ټرمپ حکومت افغانستان ته د نورو پوځونو لیږد تر غور لاندې نیولی دی همدا لامل دی چې په افغانستان کې د دې پوځونو لګښت ترګټې تاواني دی، امریکا یواځې دا نه چې د دوه زره یوکال راپدیخوا یې د افغانستان سره مرستې کړې او یا په افغانستان کې پوځې لګښتونه کوي هغه مهال چې روسان په افغانستان کې و د هغوی د ماتې لپاره امریکا په درې پړاوونو کې بودجه منظور کړه چې په هرپړاو کې به ۸۰۰ میلونه ډالر بودجه منظوري ده چې وروسته دا تاوانونه درې چنده زیات شول.
د کورنیو او دفاع وزارتونو یو شمیر لوړ رتبه چارواکو په یادو وزارتونو کې وهل شوي ډالر بهر ته استولي دي او اوس غواړي په یوه او بل نامه ځانونه هم وباسي چې د یو شمیر اشخاصو بهر ته په تللو بندیز لګول شوی دی خو بیا هم امکان لري په روان کال کې د خیالي پولیسو معاشونو اخستونکي په بهر کې د خیالي ژوند په تمه له افغانستانه پښې سپکې کړي چې د یو شمیر لوړ پوړو چارواکو بهر ته په تللو بندیز لګول شوي دی.
