لاروی
د جاپان ټیوټا کمپنۍ د موټرو او نورو چلوونکو وسایطو په سیالیو کې نړیواله کامیابي ترلاسه کړې ده چې د تیرکال په دوران کې یې د سوزوکي او هنډا له کمپنیو زیات نقل کوونکي وسایط پلورلي دي.
د یادې کمپنۍ انجینیرانو ویلي دي چې د روان کال په نیمایي کې به د جاپان ټیوټا کمپنۍ د نړۍ یو شمیر هیوادونو ته چې موټر تر اخلي په نوي شکل موټر به ورولیږي.
ټیوټا کمپنۍ څلور بیلابیل ډولونه موټرجوړکړي دي چې د کمپنۍ په ژبه )سي، ایچ، آر، ایچ، وی، جي (سي، ایچ، آر، ایچ، وي ایس (سي، ایچ، آر، جي، ټي (سي، ایچ، آر، ایس، ټي، ای)په نومونو سره یادیږي چې څلور واړو ډولونه په بیلابیلو پرمختللو وسایلو سمبال دي.
د معلوماتو له مخې د یادو شوو موټرو شکل ټیوټا کمپنۍ د کرولا په څیر جوړکړي دي چې د زیاتو تخینکي اسانیتاو برخمن دي، د روان کال تر پایه پورې به د ټیوټا جوړکړل شوو موټرو شمیر میلیونو ته ورسیږي.
دا چې د هنډا موټرې، موټر سایکل او نور وسایل لوړ جوړ شوي دي د هغې په نسبت د ټیوټا کمپنۍ دا ډول وسایل لږ څه اوږده او ټیټ جوړکړي دي چې امکان لري په غرنیو هیوادونو کې یې اخستنه کمه وي ځکه چې دا ډول نوي جوړ کړل شوي موټر په ښاري او پښو سرکونو ښه استعمالیدای شي، په یادو موټرو کې د سفر پر مهال له سټلایټه، انټرنیټه او نورو ډیجیټل وسایلو په اسانۍ سره کار اخستل کیږي.
په دې موټرو کې داسې وسایل ځای پر ځای شوي دي چې د سفر پر مهال د غلو، وسله والو برید ګرو او موټر ته د تاوان رسولو د مخه چلوونکي ته خبر ورکولای شي.
افغانستان او پاکستان د نړۍ په غریبو هیوادونو کې شمیرل کیږي خو وګړي یې تر نورو امیرو هیوادونو جاپاني جوړ کړل شوي موټر او د ورځني ژوند وسایل زیات رانیسي.
