نعت رسول مقبول صلي الله علیه وسلم
شاعر: قاري رحیم الله “عمري”
چې دنیا ته د مـحـمّــــد ښکلا راغلــه
تـور تمـــو د جـهــالت تــه رڼـا راغلــه
د ظلـمت او عــــداوت په تــارَکیـــو
څه ښائستـه یوه شغله د صبـا راغلــه
شـم قـربان د پاک رسـُـول د هغـه نوره
چې له مخـه يې آدم او حــوا راغلـــه
شـرمېـدل به حسینـان او ګلان واړه
چې يې کلـه د جبـيـن تجـلّٰی راغلـــه
فسيحان او بلیغـان ترېنـه عاجـز شو
چې نبي ته پاک قرآن معجزه راغلــه
په قیامت کې به شفیع د خپل امم وي
(عُـمـري) پـورې هـمـــدا اوازه راغلـــه
