عصمت الله بشام
د زړه ماڼۍ
د زړه ماڼۍ کې د جانان ښکلی تصويرجوړوم
د عشق زندان کې يې په مينه ځان اسيرجوړوم
دا د سپېـڅلې مينې درد يو عجـبه خونـد لري
غاړې د ژونـد ته د تقليد الـفت زنځير جـوړوم
لا هـو قلزم بـه کـړم د عصـر فرعونـيانو بېـړۍ
د وخـت غازي يم د عمر په شان مسير جوړوم
له پريـښتو سره په خوب کې تر جانانه لاړ شـم
د خيال جهان کې د دې خوب ښکلی تعبير جوړوم
ډيموکراسۍ کـښت اوبوي زما د تـن په ويـنو
د تساهل په خوب ويده زلمو ضميـر جـوړوم
کـه و( بـشام ) ته ازادۍ صحبـت د مينې ورکړ
د حـق په تـوره د نړۍ ټـول ستمګـير جوړوم
