عسکرجانه
تحسين مسافر
عسکر جان
ته چې د غربيانو مخته شاته ځې
ګوره يوه ورځ به ټنډه ماته ځې
لږ فکر او سوچ دې په کار واچوه
ځان بولې مسلم د کفرخواته ځې
ته دې د نيکونو تاريخ ولوله
پرېږده غلامي دې ناروا ته ځې
راشه توبه ګار شه اسلحه کېږده
څو به لنډغرو سره غلاته ځې
درومه خو نور مه په اشارو د غرب
هره شپه وژلو دمُلا ته ځې
مه ځوروه نوردغه مظلوم ولس
بيابه ګوره ته داور سزاته ځې
پرېږده غلامي نور داوعده وکړه
نور به له ( تحسين ) سره غزا ته ځې
