محمد ابراهيم حنفي
غزل
زه چې ننګيالى په پاک اسلام شومه
ځکه ورک له کلې اوله قام شومه
خداى ( ج ) نه بغير بل ته مې سرټيټ نکړ
بس په همدې جرم زه اعدام شومه
ماکړه پيروي د خپل محبوب رهبر
اخ د جانان مينه کې بد نام شومه
ګرم نه وم ضمير مې ازادي غوښته
ماتې مې کړۍ کړې پر قيام شومه
آه مې زغمى نشواى د مظلوم ملت
کور څخه بهر په تور ماښام شومه
غېږه د زندان کې يې شهيدکړمه
شکر لاروى د خپل امام شومه
ما چې شمله هسکه د نيکونو کړه
ياد د تاريخ باب کې ښه نېک نام شومه
اورته چې په مينه زلمو ودانګل
عشق ته ( حنفي ) زه لاس په نام شومه
