غزل
ملا محمد مطمئن
غزل
جګو غرونو نه راغليه ستړی مه شې
د مورچل ګردو وهليه ستړی مه شې
شجاعت ته دې دښمن ګوته په غاښ دی
ټول کفري جهان منليه ستړی مه شې
تل د حق په سپين ميدان باندې جانانه
لکه ستوری ځلېدليه ستړی مه شې
د باطل تورو بلاوو مقابل کې
د فولاد غوندې غښتليه ستړی مه شې
د دې ښار ټول زنده سر درنه لوګی شه
ګړنګو کې ګرځېدليه ستړی مه شې
ماتې هيلې مو په تا پورې تړلي
د زړه سره او ښاغليه ستړی مه شې
مطمئن دې له مودو په انتظار وم
په ما ګرانه نازوليه ستړی مه شې
