(کابل ټکی کام ۱۳۹۶زمری ۱۵ فرید افغان)
راپورونه وایي چې یوه ام وي ۲۲ امریکایي الوتکه چې شاوخوا ۲۶ عسکر پکې سپاره وو د استرالیا په کوئینزلنډ سیمه کې لوېدلې ده.
پنټاګون د الوتکې سقوط تاید کړی او ویلي یې دي چې د الوتکې ۲۳ کسه عمله ژغورل شوي خو ۳ کسه بې درکه دي.
ویل کیږي لادرکه شوي کسان وژل شوي دي.
بلخوا د استرالیا ددفاع وزارت رسنیو ته ویلي، چې په دغه الوتکه کې هیڅ استرالیايي عسکر نه و، دوی ویلي چې د الوتکې ټوله عمله امریکايي عسکر و.
د امریکا ددفاع وزارت تر اوسه د الوتکې د سقوط لامل ندی په ډاګه کړی.
