زه د دې دهر یم مجنون د مینې
ما هم پیل کړی دی ژوندون د مینې
وصال یې خوږ دی له ګبینو څخه
جوړوی ټپ په زړه بېلتون د مینې
هغه به خود په سرو لمبو ګډېږي
چې په کوم چا راشي جنون د مینې
خود به دارینو کې فائز یادېږي
چې کوي رب سره تړون د مینې
خلکو بایللي دي سرونه په کې
دا دي اصول دا دی قانون د مينې
خو سراسر په کې دردونه نغښتي
لیدلی نه دی چا سکون د مینې
رانه جهان ټول نفرتونو وخوړ
خدایه را خور کړه سباؤون د مینې
پرې مطمئنه غزل ښکلی ښکاري
نن درته لیکمه مضمون د مینې
کابل ټکی کام یوه ازاده او خپلواکه وېبپاڼه ده
په کابل ټکی کام کې نشر شوي لیکنې او تبصرې یوازي د لیکوالو نظر څرګندوي، زموږ د ویبپاڼې توافق ورسره شرط نه دی .
-----------------------------------
Kabull.com is an independent news
website in Afghanistan
Commentaries and articles published here, represent the views of their authors solely. They do not reflect the editorial policy of the website
زموږ بريښنالیک ادرس
kabullnews@gmail.com
