غـــــــــــزل : مصطفی نیازی
ای د غمونو اندیښنو اختره
ای د ولچک او زندانو اختره
زان سره مونږ ته خوشحالی راوله
مونږ یو ستومانه له ظلمو اختره
مونږ درته زړه کی ارمانونه لرو
ته یی درمل د پرهرو اختره
دلته مور بوری او یتیم ماشومان
سیالی یی نشته د جامو اختره
پخوا نازونه وو رټل به نوو
اوس دی سلگی د بی وسو اختره
دلته دی کور په کور ویرونه زمونږ
زیگر مو څیری دی په مړو اختره
خدایه د ظلم دا تیاری صبا کړی
تا ته ژړا مو دی له زړو اختره
کابل ټکی کام یوه ازاده او خپلواکه وېبپاڼه ده
په کابل ټکی کام کې نشر شوي لیکنې او تبصرې یوازي د لیکوالو نظر څرګندوي، زموږ د ویبپاڼې توافق ورسره شرط نه دی .
-----------------------------------
Kabull.com is an independent news
website in Afghanistan
Commentaries and articles published here, represent the views of their authors solely. They do not reflect the editorial policy of the website
زموږ بريښنالیک ادرس
kabullnews@gmail.com
