غليمګيه
ملا مطمئن
ستا په غم باندې خوشحال يم غليمګيه
پرمختګ ته دې زوال يم غليمګيه
ستا د کبر سومنات به را نسکور کړم
زه د وخت ثاني ابدال يم غليمګيه
ستا به سپینه ماڼۍ ړنګه کړم که خیر ؤ
در روان په لوړ مورال يم غليمګيه
د مغرورو قتلول مې وظيفه ده
د مظلومو خلکو ډال يم غليمګيه
هېچ چا نه يمه تر اوسه پرزولی
د ننګونو ستر مثال يم غليمګيه
مطمئن دې په آرام کله پرېږدمه
سراسر درته جنجال يم غليمګيه
