کابل ته چې دپاکستان سرلښکر جنرال راحيل شريف راورسېد دلته په کابل او په بهرنيو رسنيو کې بېلابېل نظرونه څرګند شول . زموږ دمرکز يو شمېر رسنيو او هم په ولاياتو کې چاپي او غږيزو رسنيو پرې تبصرې وکړې ، چې دپاکستان لوی درستيز دافغانستان او پاکستان ترمنځ دښو اړيکو د بيا په برحال کولو لوی لاس ورکړ.
څه موده دمخه ددولتي لوړپوړو چارواکو او هم ولسمشر اشرف غني اواجرائيه رئيس عبدالله دپاکستان له سياسته نارضايتي و ښودله ، ويې ويل چې پاکستان زموږ دهېواد په سوله کې دزړه له اخلاصه اقدام نه پورته کوي؛
خو په دې سفر کې او هم دروانې عيسوي مياشتې په منځ کې د اسلام اباد داسيا زړه په کنفرانس کې د درو ،واړو هېوادونو دمشرانو ترمنخ يو څه فضا نرمه او دمذاکراتو ددوام لپاره د زمينې په برابرولو سره سلااو مشوروته آمده شول.
جنرال راحيل شريف افغان ولسمشر اشرف غني ته په اسلام اباد کې ډاډ ورکړی و، چې د افغانستان دسولې په اړه به داځل ګټور قدمونه اخلي . ددولت اوطالبانو ترمنځ سوله يوازې دافغانستان نه ، بلکې دپاکستان دامن په ګټه هم تمامېږي.
راحيل شريف دخپل يوه ورځني سفر په دوران کې دولسمشر اشرف غني او اجرائيه رئيس ډاکټر عبدالله سره جلا جلا لېدنې وکړې دارګ او اجرائيه رئيس ددفتر دمعلوماتو له مخې ددواړو خواوو ترمنځ خبرې ګټورې وې، چې نوربه دامن اوسولې لپاره اړين ګامونه پورته کړل شي.
دسياسي چارود کارپوهانو په اند کابلته دوه ځلي دمخه هم جنرال راحيل شريف سفرونه کړي دي او دارنګه ژمنې يې زموږد ولسمشر او نور لوړ رتبه چارواکو سره په خپله ليدنه کې کړي دي؛ خو تراوسه پورې يې څه مثبت نتايج په لاس نه دي راغلي .
دپاکستان دپوځ لوی درستيز راحيل شريف دجدي په شپږمه دلته کابل ته راورسيد او له مخه دهند صدراعظم نندرامودي کابل ته راغلی و ،چې دواړو مودي او راحيل شريف زموږ دچارواکو او په ځانګړې توګه ولسمشر اشرف غني سرهدسولې او امن په اړهدهمکاريو ژمنې وکړې.
دنورو کړو ددوسفرونو څخه ددې سفر يوه ځانګړنه دا وه ، چې دسېمې هېوادونو او هم امريکا او چين ددولت او طالبانو ترمنځ په مذاکراتو زيات ټينګار درلود.
ورسره دراحيل شريف په ژمنو کې يوه نوې ژمنه، چې دمخه سفرونو کې يې نه وه کړې هغه دا ده ، چې د نواز شريف په وينا او ولسمشر سره په اسلام اباد کې دامريکا،چين اوپاکستان دمشرانو په وينا کوم ددولت مخالف وسلوال چې مذاکراتو ته نه کېني اوسوله نه غواړي ، دهغوی په خلاف به په ګډه سره مبارزه کوو.
داکټر عبدالله او دهغه پلويانو په وار وار رسنيو سره په مرکو کې ويلي، چې دپاکستاني چارواکو ژمنو تراوسه يوازې زمونږ لپاره کوم مثبت بدلون نه دی راوستی ؛ خو دا ځل چې راحل شريف دلته په کابل کې دډاکټرعبدالله اواشرف عني سره وليدل ددواړو لخوا يو څه اميد واري څرګنده شوه. بله دا مهمه خبره ده ، چې دمخه ددواړو هېوادونو ترمنځ داړيکې يو څه ترينګلې وې .، په دې سفرونو کې راتلونکی څرګند نه دی؛ خو اړيکې يې سره ښې اوڅه داعتماد فضاء رامنځته شوه .
