س. سیرت
ستا په هجر مې امید د وصال وکړ
هم منت مې د عروج او زوال وکړ
مین زړه مې ستا د وریځو په محراب کې
عبادت ښکلې دا ستا د شنه خال وکړ
روح مې ستا سره د مینې په الوت کې
اسمـانو تـه د خـتو پــر بـال وکــړ
په خپل در به مې قبوله خدای دعا کړي
ستا د وصل مې په نیمه شپه سوال وکړ
ستا وعده وه سمه پرخه وه بیا نه وه
انتظار مې په غرمو کې د کال وکړ
ښکلې ما په تصور کې هم ښکل نه کړې
دا مې فـکر د ګنـاه او وبــال وکــړ
سیرت مړ نه دی خو غږ به شي چې مړ شو
ما تپوس یې نن د حال او احوال وکړ
کابل ټکی کام یوه ازاده او خپلواکه وېبپاڼه ده
په کابل ټکی کام کې نشر شوي لیکنې او تبصرې یوازي د لیکوالو نظر څرګندوي، زموږ د ویبپاڼې توافق ورسره شرط نه دی .
-----------------------------------
Kabull.com is an independent news
website in Afghanistan
Commentaries and articles published here, represent the views of their authors solely. They do not reflect the editorial policy of the website
زموږ بريښنالیک ادرس
kabullnews@gmail.com
