(کابل ټکی کام، ۱۳۹۷، مرغومی ۹)
د فري فايټ يا رزمي سياليو افغان اتل سير بهادرزاده له خپل امريکايي سياله ماتې وخوړه.
د بهادرزاده او امريکايي لوبغاړي کورټيس ميلينډر تر منځ د افغانستان پر وخت نن سهار د امريکا، کلفورنيا په لاس انجلس ښار کې سيالي ترسره شوه.
دا سيالي د (یو ايف سي) ادارې له خوا چې مرکز يې په لاس وياس کې دی جوړه شوې وه چې له درېيو راونډونو وروسته د ميلينډېر په بريا تمامه شوه.
سير بهادرزاده د افغانستان د رزمي لوبو مډال ګټونکی لوبغاړی دی چې له ۲۰۰۲م کال راهيسې يې (۲۳) برياوې خپلې کړي او تر دې مخکې يې په پرلپسې توګه اته لوبې ګټلې وې خو په نهمه لوبه کې يې له امریکايي سياله ماتې وخوړه.
بهادرزاده د تير کال په سپتمبر مياشتې کې استراليايي راب ويلکنس او د روان کال په اپريل مياشت کې برازيلی لوبغاړی لوان چګاس مات کړي و.
