د بري زېری
حضرت یوسف مزمل
زېری د بري به مې غازي یار له کابل راوړي
سږ کال به سپرلی نوي رنګونه نوی ګل راوړي
نور د امیدو غوټۍ به ګل شي سپړېدلې ده
دم په قدم فتحې غلیمانو ته اجل راوړي
ناوې خپلواکۍ ته به په غاړه کې د سرو امېل
هار د ازادۍ به له رقیب طالب اتل راوړي
مات ګوډ او ړانده شول د وتو لاره ترې ورکه ده
څوک چې پاکه خاوره د افغان باندې یرغل راوړي
وي به خوار ذلیل چې د پردیو غلامي کوي
هغه یادومه چې کوږ بار تر خپل منزل راوړي
موږ یې پل اخیستی مزمل ورکېدای نه شي
څوک چې زموږ حریم لره قدم په نیت د چل راوړي
