راټولوونکى: څارنوال حشمت عبيدي
ملا برادر دهیواد ازادۍ غوښتنې له امله د امریکا او بریتانیا د منلي غلام پنجاب زندان کې ۱۰ کاله بندي و، ملا فاضل اخوند او عمري صاحب د هیواد ازادۍ او غلامي نه منلو له امله ۱۳ کاله ګوانتانامو زندان کې بنديان وو.
جهانګیروال په وزیرستان کې له وزیرستاني طالبانو سره د اړیکو او مرستې له کبله کلونه د پنحاب زندان کې تیر کړل.
عمار یاسر لا هم د پنجاب زندانو کې د پلار (استاد یاسر) د مرګ او ژوند برخلیک څخه ناخبره دی.
او ملا عبیدالله د پنجاب کرغیړن زندان کې د سختو شکنجو له امله خپله روح رب العزت ته وسپارله.
ښه ده چې ببرک ځدراڼ زموږ زمانه کې نه دی، د امریکا د ډیموکراسي ډول ته اټنچیان اصیل او په هیواد مین افغانان اګاهانه د پنجاب په غلامي تورنوي، په داسي حال کې چې:
۱ ـ له پاکستان څخه اویا میلیونه ډالر د ډیورنډ بر سر معاملې لپاره چا واخیستل؟
۲ ـ په تورخم او چمن چا د پنجاب دروازې ومنلې؟
۳ ـ په کرغیړنه ډیورنډ کرښه د پنجاب اغزن تار چا له پنجاب سره ومانه؟
۴ ـ د کونړ او ګوښتې افغان سیمې چا د معاملې په ترڅ کې پنجاب ته پریښودلې؟
۵ ـ د پنجاب د ګټو لپاره منظور پښتون او بلوڅ بېلتون پالو ملا چا ور ماته کړه؟
۶ ـ لطیف الله محسود، د پنجاب دښمن چا پنجابیانو ته لاس تړلی وسپاره؟
۷ ـ د پاکستاني طالبانو مشر ملا فضل الله چیرته او ولي؟ چا د پنجاب په غوښتنه وواژه؟
۸ ـ د آی ایس آی مامورین چا په ارګ کې ساتل چې د بنجاب ضد زندانیانو دوسیې وګوري او بیا ورته د خپلو مؤیدینو لخوا حواله شي.
۹ ـ د پنجاب پوخیانو پر قبرونو چا د ګلونو ګیډۍ کیښودې؟
۱۱ ـ پر پښتنو قبایلو د ډیورنډ پر پوله د اوښتو را اوشتو بندیز او بر سر یې چا معامله وکړه.
۱۲ ـ له پاکستان سره د استخباراتي معلوماتو شریکولو تړون چا وکړ؟
اوس هم دوی چې دا ټولې معاملې یې د سپیڅلي افغان ولس پر سر له پنجاب سره کړي، ځان د پنجاب مخالف بولې؟
هیڅ پوه نه شوم، ولې دوی ګنګس او لا هم فکر کوي چې ولس به نه پوهیږي چې اصل کې څوک د پنجاب لپاره خدمت کوي.
