افغانان چې د کمونستي کودتا وروسته له خپله هیواده وتلو ته اړشول او د هرکال په تیریدوپه هیوادکې امن مخ په خرابیدوشو د ګاوانډیوهیوادونو ترڅنګ ېې اروپایی هیوادونو ته هم مخه وکړه
په اروپایی هېوادونوکې افغانانو استرالیا، اتریش، بلجیم، ډنمارک، جرمني، المان، هنګري، سویډن هالنداو….. هیوادونوته زیات په کډه شول او هم یوشمیر افغانانو به لندن او امریکا کې د مخه خپل خپلوان درلودل چې هغوی ورته د یادو هیوادونو د سفر او پنا اخستلو زمینې برابرې کړې.
د درې لسیزو راپه دې خوا چې په افغانستان کې د جګړو اور بل دی افغانان د نورو هیوادونو په نسبت په جرمني کې زیات خوښ وو چې د جرمني حکومت ورته د ژوند کولو اسانتیاوي برابرې کړې وې خواوس هم په افغانستان کې د پخواپه څیر د جګړو اور بل دې په یوشمیر افغانانو د جرمني دخوښیو ډکه مځکه سره شوه اود جرمني حکومت ورته له جرمني داستلو امر کړی دی.
دجرمني د کورنیوچارو وزارت په وینا دا مهال په جرمني کې نږدې دوه نیم لکه افغانان میشت دي چې په دی شمیر کې ېې د دولس نیم زره افغانانوپه جرمني کې داوسیدا اسناد نه دي منل شوي او سره د دې چې په افغانستان کې امنتي ستونزې اوس هم شته خو په یاد شمیر افغانان به د جرمني حکومت هیواد ته را استوي.
له جرمني څخه د ایستلوپه انتظار ناست افغانان وایې چې موږ د جرمني هیواد په زور باسي او باید افغان حکومت زموږ په اړه د جرمني سره د بین المللي قوانینوپه رڼاکې یوه د حل لار ولټوي ترڅوموږ له جرمني څخه ونه ایستل شو.
دا مهال په افغانستان کې د ولایاتو اوهم د کابل مرکز امنیت ترهرکال خراب دی دننه په کابل مرکزکې څوک د خپل سر او مال د ساتنې باورنه لري چې که د بهرنیوچارو وزارت یوپلاوی جرمني ته ولیږي او هلته د جرمني د چارواکو سره موضوع راوسپړي کیدای شي جرمني په خپله پریکړه له سره غوروکړي.
د جرمني د کورنیو چارو وزارت ویلي دي چې یوشمیر افغانان په خپله خوښه غواړي خپل هیواد ته ستانه شي خو ګمان نه کوم چې په کلونو کلونو په جرمني کې د قانونیت په انتظارمیشت افغانان دې په خپله خوښه د جګړو او بدامنه هیواد ته راستانه شي.
په جرمني کې دصدراعظمې انګیلامیرکن مخالفینوتل په هغې نیوکه کړې ده چې د کډوالو په مخ ېې د جرمني دروازي پرانستي دي یوخو د جرمني د حکومت د مخالفینو نیوکې دي اوبل جرمني په دومره شمیر د افغانانو دمیشت کیدو توان هم نه لري او د افغانانو دایستلو مسئله چې په زورله جرمني ایستل کیږي کیدای شی په جرمني کې یوه لانجمنه موضوع وګرځي.
په تیراکتوبرمیاشت کې د اروپایی ټولنې سره د افغان حکومت موافقه لاس لیک شوې ده چې له مخې به یې د رد شويو پناه غوښتونکو بېرته افغانستان ته تګ ممکن شي خودا موافقه به له جرمني څخه د دولس نیم زرو راستنیدونکو افغانانو لپاره ډیره ستونزمنه تمامه شي
