لیکوال : امين وردګ
جګړه او جهار سره بېل دي او بيخي ډېر توپير لري ؛ نو تاسو کوښښ وکړئ ؛ تر څو د دې دواړو تر مينځ تفکيک وکړای شئ !
جګړه یوه اختياري پېښه وي ؛ چې لامل يې ډېر وخت اختیاري وي ؛ نو د درولو حالت يې هم اختیاری دی نه اجباري ؛ دا منم چې ځينې جګړې تپل کيږي ؛ مګر بیا هم سړی کولای شي چې د حل د پاره يې لارې چارې و لټوي ؛ تر څو جګړې ته د پای ټکی کېږدي.
مګر جهاد يا قتال داسې نه دي !
کله چې جهاد فرض عين ګرځي ؛ نو په غه حالت کې الله پاک (قاتلوا او قتلوا) امر کړی وي (یعنې غزا او شهادت دواړه حق دي) ؛ نو هر مسلمان مکلف دی ؛ چې برخه پکې واخلي او له دواړو و نه وېريږي ؛ که یې وا نه خيسته ؛ الله پاک منافق ورته ويلي دي ؛ چې د دې مسائلو اړوند آیاتونه ؛ په سورة البقر ، المائده ، التوبه ، المنافقون ، او داسې نورو… کې بيخي ډېر راغلي دي ؛ نو له تاسو مسلمانانو څخه هيله کوم ؛ چې د جهاد ، قتال او جګړې تر مينڅ توپير او تفکيک و کړئ ؛ هسې نه چې دواړه مو خطا شي.
دا مجاهدين خو هم څه بادسري نه دي ؛ چې د نازولو بيبیانو پالنګونه يې پريښي او په تورو تروږميو کې مزلونه کوي ؛ تر څو هغه منزل مقصود ته وصل شي ؛ سر ، مال ، او حتی ناموس يې ټول په خطره کې اچولي وي ؛ تاسو لږ فکر وکړئ ! د چا آرام ژوند نه خوښيږي ؟ يو به يې نه پوهېږي ، دوه ، درې ؛ نو ټول خو هم ناپوه نه دي ؛ سره او کره شیوخ کرام دي پکې وا سادګانو وروړو!.
بل دا چې تاسو اوسني مجاهدين ټول په هغو ځينو پخوانيو باندې مه قياسوئ ؛ د همغه وخت مجاهدين وو چې اوسنی جهاد یې د (الله په نصرت سره) روان و ساتلو؛ هغه ځينې محدود يې چې د کفر په خوا کې و درېدل ؛ نو کېدای شي نیتونه به یې خراب وو ؛ چې نن ټولې نړۍ ته سپک شول ؛ الله د موږ اوتاسو د داسې ذلتبار ژوند څخه وژغوري او دوی د رب ترې راوباسي.
