لیکنه: قاضي روحاني
شاهین لکه څنګه له نومه یې څرګنده ده هغه مرغه ته ویل کیږي، چې هیڅکله د بل مردارې نه خوري د بل پاتې شوني نه خوري، تل په غرونو، رغونو او سترو دښتو کې پروازونه کوي او د خپلو خدای ورکړو وزرو او پنجو په زور سره په ښکار پسې هلته او دلته له هوا نه غوټې وهي، ښکار نیسي پخپله یې هم خوري او د خپلو بچو تر ځالې یې هم رسوي.
د سوچه والي او د خپل همت په مټو له ژوند کولو سره ځکه شاهین نومول شوی او باز باز نوموړل، شاهین په زړورتیا، ښکلا، پاکۍ او خپلو مټو ځواک سره پیژندل کیږي. خو برعکس ټپوس تل په مردارو پسې ګرځي او هغه څه یې ځان ته روزي ګرځولې ده چې د نورو پاتې شوني او خوسا شوي خواړه وي او ښه بوی یې هم کړی، ټپوس نه د شاهین په څیر غښتلی وزرې لري، نه شجاعت، نه پاکي نه د شاهین په څیر پنجې او نه په پاک ښکار پسې چیرته په غرونو او رغونو کې ځان ستړی کوي بس تیارو پسې ګرځي او ذلت ژوند تیروي او برسیره پر دې دومره ډارن هم دی چې له لیرې هم څوک وویني نو تیښه ښه ګڼي.
که اوس په انسانانو کې یو ځغلنده نظر واچوو نو وبه وینو چې ځینو انسانانو ته الله تعالی د شاهینانو او بازانو خصلت ورپه برخه کړی نو ځکه ورته خلک هم په درنه سترګه ګوري او خدای تعالی یې هم خوښوي او ځینې نورو بیا د ټپوسانو خوی ځان ته ښه ګڼي نو هم خلک ورته په سپکه سترګه ګوري او هم خدای ورته په قهر وي. خو ځینې نور بیا له چالاکۍ او بازار تیزۍ نه کار اخلي او هغه داسې چې خپل ځان ښه پیژنی چې ټپوس دی او هیڅکله هم شاهین نه دی خو د خلکو په وړاندې له ځان نه شاهین جوړوي او یا د شاهین او باز پوستکی اغوندي، نو هم ځان ته دوکه ورکوي هم خلکو ته او هم خدای ته، نو ځکه دا ډول اشخاص تل ناکام ذلیل او شرمنده وي په دنیا کې هم د شجاعت تر پردې لاندې د ذلت ژوند تیروي او هم آخرت ته شرمنده ذلیل او د خدای په قهر ککړ ولاړ شي او هم یې د خپلې کورنۍ پر تندی تور داغ پاتې شي.
ځینې نور انسانان بیا داسې هم شته چې هغوی ته خدای تعالی د شاهن توب نعمتونه ورپه برخه کړي وي خو هغه ورنه ګټه نه پورته کوي او د ټپوس توب ژوند یې غوره ګڼلی وي. بس خوري او څټي او بچي زیږوي او په همدی نن او سبا کې له دنیا رحلت وکړي، د استعداد څښتن وي خو نه غواړي له خدای ورکړي استعداده ګټه پورته کړي او په لوی لاس یې له ځانه ټپوس جوړ کړی وي. رابه شو اصلي مطلب ته او هغه دا چې: تیره ورځ په پوره یوه بجه او دیرش دقیقو ۱۰ وسله والو طالبانو په بلخ کې د شاهین ۲۰۹قول اردو باندې برید وکړ، او نږدې ۵۰ سرتیري یې د خپلې قول اردو په مینځ کې آخرت ته واستول.
دا خو ټولو ته جوته ده چې دغه په نوم شاهین ۲۰۹قول اردو چې د امریکایانو خوري، د امریکانو څښي، د امریکایانو اغوندي، او د امریکانو وسله یې په لاس کې او د امریکایانو له بودیجې خپلو میرمنو او بچیانو ته معاش وړي او د امریکایانو په مستقیمه قومانده د افغانستان د اصیلو بچیو د وژلو لپاره شپه او ورځ په مورچلو کې پراته دي، او سره له دې ټول ذلته بیا پر خپلې قرارګاه یا قول اردو د شرم نه ډک د شاهین نوم هم ږدي، یعنی د ټپوس په شان مردارې هم خوري او پر ځای د دې چې ځانونه ټپوسان وګڼي ځانونو ته د شاهین نوم هم ورکوي حال دا چې شاهین تر نامه لاندې د ټپوسۍ ژوند تیروي دا ځکه چې غواړي خپل خپلوان او هپل هیوادوال تیرباسي او خپل ټپوس توب په دې نوم سره پټ کړي، دا په اصل کې هغه ټپوسان دي چې د شاهینانو پوستکي یې اغوستي دي، که دوی ټپوسان نه وای نو هیڅکله به طالبانو له بهر نه پر دوی باندی د قول اردو په مینځ کې د رښتینې شاهینانو غاښ ماتووکی برید نه وای کړی.
که دوی رښتیا هم شاهینان وای نو برعکس دوی به په طالبانو پسې په غرو رغو کې ګرځیدای، خو دا چې طالبان په دوی پسې د قرارګاه مینځ ته راغلل او په دومره اندازه ووژل د هر عقل څښتن ته دا جوتوي چې رښتینی شاهین څوک او ټپوس څوک دی؟؟؟
له بله پلوه یې په قول اردو کې مسجد هم جوړ کړی او په جمعه پکې لمونځونه هم ادا کوي څو ساده لوح مسلمانان تیرباسي، نو ځکه د امریکا غږ راډیو چې د دوی د بادارانو ژبه ده د دې هڅه کوي چې داسې درباري او د امریکایانو معاش خواره ملایان پیدا کړي چې په دې اړه ورسره مرکه وکړي چې آیا په مسجد کې د سرتیرو وژل څه حکم لري؟
د امریکا غږ راډیو هڅه کوي چې د افغانستان مسلمان خلک تیرباسي چې ګوندې طالبانو دغه سرتیري په مسجد کې دننه د لمانځه او عبادت پر مهال وژلي، خو له دغو ملایانو بیا دا پوښتنه او وضاحت هیڅکله نه کوي چې دغه سرتیري چا ګمارلي؟ معاشات، اعاشه او اباته کوي یې څوک؟ او بالآخره دغه مسجد د چا په پیسو جوړ شوی؟ او ایا چې د یوه انسانان هر څه امریکایی امریکایی وي، د هغه عبادت قبلیږي؟ او آیا هغه مسجد چې امریکایانو جوړ کړي مسجد ګڼل کیږي؟
د امریکا غږ راډیو په دې هکله بحث ته هیڅکله زمینه نه برابروي او نه هم دغه ډول درباري ملایان د دغه ډول مسایلو په اړه څرګندونو ته زړه ښه کوي. بس یواځې د قضیې یو اړخ څیړي اوهغه دا چې ولې طالبانو دغه سرتیري په مسجد کې د عبادت پر مهال وژلي؟
نو اوس دې د ویښ وجدان او ویښ ضمیر څښتنان رښتیني او حقیقي قضاوت وکړي او له تعصبه دې تیر شي چې په دې برید او جګړه کې شاهین څوک او ټپوس څوک دی؟؟؟
