طالب الهام
هسکه شمله
په ازمون کې چې پرته ده لکه غرونه
دشهيد جانان کيسه ده لکه غرونه
په شمشاد، پامير،سورغر، يې سيورى لګي
دومره هسکه مې شمله ده لکه غرونه
مدرسه، جومات، ممبر اومحراب واړه
زموږ سپر دفاع مورچه ده لکه غرونه
په تڼاکويون د اور په څوکو لاره
له اغزو ډکه کوڅه ده لکه غرونه
په غبار لړلې مخ ته يې چې ګورې
ډيره خړه يې سېکه ده لکه غرونه
چې يې للموته داوښکو باران غواړي
بس له تندې نه ديمه ده لکه غرونه
کږليچې يې سمولى خيال کې نشم
انتهاء زياته اوږده ده لکه غرونه
حرارت يې پورته کېږي ترافقه
په بارودو کې لمبه ده لکه غرونه
سره تبۍ شوه ځمکه چيرته خدايه لاړشو
وخت په مونږه احاطه ده لکه غرونه
په ښايست کې د سپوږمۍ سکنۍ خور ده
که د حسن فلسفه ده لکه غرونه
د ليلى مجنون کيسې يې درناوى کا
دشهيدې لوپټه ده لکه غرونه
دغفلت پردې شکوي له ډېره کړنګه
د ( طالب الهام ) ټپه ده لمه غرونه
