عرفان الله عرفاني
شهادت ته پيغام
حورې ماته ما هغو ته ور واده کا
شهادته نور مې غېږه کې ويده کا
ستا په سترګو کې تصوير د جنت وينم
زما په لوري سم کاږه واږه باڼه کا
د وصال جام ته دې تږی تږی ګرځم
ته ساقي يې زما زړه دښته اوبه کا
يو زه نه يم ډېر ملګري راسره دي
راشه راشه مونږه ټول درمېلمانه کا
چې په وږم يې فضاء شي معطره
د خوږې مينې لونګ خواره واره کا
لا تر څوبه مسافر د دې دنيا يو
د ابد د ژوندون کور ته مو ستانه کا
( عرفاني ) ته دې نور لاس د مينې ورکړه
هله زر ختمې شېبې د بېلتانه کا
