تاسو پوهېږئ چې ټرمپ او (لېونی سپی) يې په افغانستان کې څه غواړي ؟

لیکوال : امین وردګ
له نن څخه څه باندې اوولس کاله وړاندې غربیانو د القاعدې تر نامه لاندې د ښکار تکل و کړ ؛ نو ښه يې دا و پتېیله چې ښکارځای به افغانستان ټاکي ځکه چې د دغه هېواد خلک جګړو سخت ځپلي او نور به کېدای شي د مقابلې جوګه هم نه وي ؛ نو يې د اشغال د پټولو لپاره خپل ظالمانه تیري ته بین المللي اجازه نامه هم تر لاسه کړه ؛ تر څو په افغانستان کې د دوی هر وحشت او کړنه قانوني وي.
غربیانو چې کله زموږ د پاکې خاورې د اشغالولو هوډ وکړ ، نو بهانه یې اسامه ابن لادن وګرځاوه او بیا يې د نورو هغو ملکونو خلک هم اړ کړل (تر څو له دوی سره په دغه مظالمو کې ګډ شي) چې یو وخت کې به یې د امریکې په وړاندې خنډونه جوړول نو ويې غوښتل چې بل وخت د امریکایانو په وړاندې د انتقاد ګوته پورته نه کړای ځکه چې دوی به هم ورسره شريک وي.
دا طبعي خبره ده چې : کله یو څوک د یوې کړنې پوره واک ولري ؛ نو بیا د هغه سړي هر وحشت هم پټېدای شي.
امریکایانو د بوش په مشرۍ د مسلمانانو لپاره داسې تور جوړ کړ چې : مواد يې له نورو کفري هېوادونو څخه تر لاسه کړل ، اوبدل يې په ځینو (مسلمان ډوله) څېرو لازمي کړل او په خپله یې د ((ناظر او مراقبت کوونکي)) دنده پکې خوښه کړه ؛ چې هم یې امتیاز لوړ ؤ ، هم پکې ستړي ډېر نشول او هم يې واک په لاس کې ؤ ! نو کله چې تور په (بن) کې جوړ شو ، بیا یې راوړ او په ټول افغانستان يې و غوړوولو ؛ نو بیا هم طبعي ده چې : هر څوک پکې راګير شول چې ځینې يې مطلوب وو او ځینې نور هسې پکې راغلل ؛ دا چې تور (بین المللي) ؤ نو ځکه چا جرئت نشو کولای چې ووايي : په دغه تور کې داسې ښکار هم شته چې غوښه يې حرامه ده.
لنډه دا چې تور کله په ډکېدلو شو نو یوه پېڅکه یې و شلېدله ، کله چې دوی بېرته د شکېدلې پېڅکې د بیا ګنډلو هڅه کوله ، بله پسې وشلېدله ، کله يې چې دغه دویمه ګنډله نو دریمه هم څيرې شوه ، بیا یې غوښتل چې تور له سره و رغووي ، مګر په دغه وخت کې امریکا هېڅ هم د پخوا په توګه نشول تر سره کولای ، بلکې امریکه ورته یوازې شوه ، نو دا چې یوازې یې نه د تور جوړونې توان لرلو او نه هم د ښکار کولو ، نو ځکه خو يې بیا دا ښه وبلله چې : کوم ښکار په تور کې پاتې دی همغه باید ډاډه کړي او په لېونو سپو يې وخوري ، خو نه ! دا کار هم سخت دی ځکه چې : هم په تور کې ډېرو برخه ورسره اخيستې او هم په ښکار کې ؛ نو څنګه کولای شي چې په یوازې ځان يې غړوت کړي ؟
راځو او دغې موضع ته لږ روڼتیا ورکوو : په ۲۰۰۱ م کال کې داسې انګېرل کېده چې : افغانستان ته بین المللي ځواکونه راځي او دا ملک به په دوو کالونو کې ګل ګلزار کړي ؛ نو ځکه يې اشغالګرو ته سوله ساتي هم وویل ؛ افغانستان خو یوه ساده او پاکزړې ټولنه ده ؛ نو ښه یې دا وبلله چې د مخالفت هڅه و نه کړي نو ځکه دغې وحشي ټولنې ته دوی هم ور ټول شول.
او بل افغانانو دا فکر هم وکړ چې : په افغانستان کې ټول هغه وحشیان وبښل شول چې یو وخت کې يې دلته په لکهونو بې ګناه افغانان په شهادت رسوولي وو ، نو عامو خلکو دا و انګرېرله چې ګني دغو وحشیانو ته بین الملل څه و نه ويل ، نو عام خلک او طالبان خو به په ګلدستو کې وساتي ، ځکه به هر چا کوښښ کولو چې له همدغې ظالمې ټولنې سره ملتیا وکړي ؛ خو کله چې څو کلونه تېر شول ورو ورو افغانان پوه شول چې : غربیان د افغانسان د رغوولو لپاره نه ، بلکې د لا ورانولو او خپلو اهدافو ته د رسېدلو لپاره راغلي دي ؛ نو هم له دولت نه خلک ورته واوښتل ، هم نور ولسونه له وسلو سره را پورته شول او غربیان يې تر سخو بريدونو لاندې راوستل ؛ د ځينو افغان ځوانانو خو یې وینې دومره په جوش لا راغلې چې : په ځانونو پسې يې ماینونه وتړل او په دغه یاغي ښامار يې مخامخ ورمنډه کړه چې دغې نکتې غربیان سخت و ځپل ، بیا یې کوښښ پيل کړ تر څو د دغو بريدونو مخه ډپ کړي ، مګر له توان نه يې چې کله تېره شوه ، بیا یې ځينې (ملاډوله) څېرې راپورته کړې او څه (زارتير) يې هم په جیبونو کې ور واچول چې ګوندې دغه خک به یې د تبليغ له امله مخه و نيسي ، خو نه یوازې دا چې هغوی يې مخه و نه شوای نيولای ، بلکې دغه ډله لا ځواکمنه او ګړندۍ شوه چې اوس هغه ده (جوپې جوپې) يې د استشهاد په نامه ځانونه ثبت کړي ؛ اوس ویل کيږي: په زرګونو کسان په دې تمه ناست دي چې : کله به یې نوبت را رسيږي او دغه ټولې ورځې په خوشالۍ سبا کوي.
نو غواړم لیکنه ډېره اوږده نه کړم ! که نه دلته ډېر څه شته چې باید راوړي مې وای ، خو بس ! په همدغې به بسنه وکړو: غربیانو د دغو تندریزو ګذارونو د مخنیوي په خاطر ، په وار وار له ډېرې لوړې فضا څخه د ښارونو په ګڼو ګوڼو باندې خاص خاص بريدونه وکړل او بیا به یې خبر خپور کړ چې : ځانمرګی ؤ ! هغه به نو چې کله افغانانو هلته عام وګړي وليدل چې : د تورسرو او ماشومانو په ګډون به کوټې کوټې پراته وو ؛ د چا به لاسونه نه وو ، د چابه پښې پرې وې ، څوک به لوڅ پراته وو ؛ نو به يې (مرګ په طالبانو) نارې هم پيل کړې چې امرکایانو په چکچکې ورته کولې ؛ خو دغه کار هم ډېر دوام و نه کړ او څه پېښې رسوا شوې ، عامو خلک شاهدۍ ورکړې چې : دا نه موټربم دی او نه هم واسکټ ، بلکې کوم څه له پاسه راغلي.
پاتې د نه وي چې : په لومړي سر کې چا په غربیانو د ګوتنيونې جرئت نشو کولای !
خو افغانان باید په دغې یوه نکته سم پوه شي !
غربیان د افغانانو بنیادي دښمنان دي ، هغوی چې په هر ډول وي د افغانانو په مرګ سندرې وايي ، هغه که طالبان مري او که دولتي کسان ؛ خو چې افغانان وي !
هغوی حتې د خپلو سپیو په سترګه هم والله که افغان عسکر ته ګوري ، دا ومنۍ ! که نه وي عسکرو ته دا پته شته او په قسم یې بند کړئ !
د بېلګې په توګه : که له یوه امریکايي سره چېرې په غره يا دښته کې تر ځان یوازې یوه نوړۍ غوښه یا کوم بل شی ايضافه شي او په دغه وخت کې يې خپل سپی هم د لوږې له امله د مرګ تر کومي رسېدلی وي او افغان عسکر هم ؛ نو زه بیا قسم کوم چې دغه نوړۍ به خپل سپي ته ورکړي نه افغان عسکر ته.
راځو د پای مطلب ته :
پخوا بوش او اوبام ښکار وکړ خو کوم څه به یې چې ترې خوړل هغه يې یوازې نه دي خوړلي ، بلکې نورو ته یې هم څه ناڅه سهم پکې ورکولو ، مګر دا ځل به ښکار په نورو کوي او ټرمپ او لېوني سپي به يې یوازې خوري !
ټرمپ چې افغانستان ته تازه دمي عسکر راليږي (هغه هم یوازې یو څو زره) نو پوهېږئ ! چې دوی به دتله څه کوي ؟
دوی به یوازې په هوا ګرځي او په ځمکه به افغان عکسر جګړه مخته وړي ، نو چې کله امریکایانو ته د مرګ وېره نه وي او هم یې جګړه په خپلمنځي نامه سره روانه شي ، پوهېږئ چې هغوی به څه وکړي ؟
فکر وکړئ ! په ټوله امریکا کې دومره څوک نه وو چې د افغانستان موضع ورته سپارل شوې وای چې ټرمپ (د دوی په خپله اصطلاح) ليوني سپي ته و سپارله !
نو ښه ! چې لیونی سپی هم شي او ته یې وژلی هم نه شې (ځکه چې لاس به د نه ورسيږي) نو دغه سپی به ته وا څه نخرې و نه کړي ؟
معلومه ده چې هر ډول وحشت به وینو !
راتلونکې جکړې ته به بین الفغاني رنګ ورکوي ، مګر بمبارونه به ليوني سپي راباندې کوي ، حال دا چې دا اوولس کاله یې زړه هم ډک دی او سم یې نه دی تش کړی.
مخکې به امریکایانو ځکه ډېر وحشت نشوای کولای چې : په لاندې جګړه دوی وو ، نو هم تلفات ورته رسېدل او هم يې رنګه بدېدله ، بل دا چې هغه مهال ډېر غوسه هم نه وو ؛ ښه نو ! اوس چې هم غوسه وي (او موږ ته لېوني سپي را خوشې کړي) هم د جګړې دواړه لوري افغانان شي ، هم دوی ته مالي یا ځاني زیان و نه رسيږي او د وحشت لپاره ښه پوره واک هم ولري نو څه به پېښ شي ؟ طبعي ده چې : دوی به دا ځل تر پخوا په څو چنده ډېر وحشت ښکاره کړي او بیا به يې په افغان دولت ور و تپي !
خو افغان ولس به هم نوره حوصله و نه کړي او ارو مرو به عمومي قیام کيږي ، نو چې کله عمومي قیام وشي ، غربیانو ته به لا د وحشت موقع لاسته ورغلې وي ، هر څوک چې وژني ، همغه به يې دښمن هم وي !
په پایله کې به وګورئ چې دولتي عسکر به هم ورته واوړي ، مګر هغه وخت به هر څه له لاسه وتلي وي او هېڅ ګټه به و نه کړي !
افغانستان به کنډواله شي ، امریکایان به (له ښه زړه یخولو وروسته) ووايي چې : جکړه موږ و ګټله ، نوره ستاسو خوښه چې سره جوړېږئ که نه زموږ یې څه ! نو به په دغه ډول افغانستان پرېږدي ، خو هغه وخت به نو (د واک ته رسېدلي) طالب حوصله هم نشي قابو او ټول غربي اجیران به له منځه وړي ځکه چې : قانون هم داسې دی : کله چې څوک له ډېرو وحشتونو وروسته په زور سره و نيسې ، نو بیا يې تر بښلو وژل ښه وي ځکه چې له هغه کس نه نوره د ښېګڼې او اصلاح تمه بې ځایه ده.
نو راشئ چې همدا نن دغه غربي ښکېلاک ته ځواب ورکړو او په د الله خواته ورشو هغه مو والله که وږي پرېږدي.
ګورئ افغانانو ورڼو ! سبا به مو الله مکړه بیا پتمنې پېغلې د قاچاقیانو ښکار وي او په رڼو سترګو کې به يې د غره شاته درنه بیايې ، نو د الله خاطر وکړئ د خپل عزت د ساتنې لپاره سره یو شئ او دغه وحشي دښمن ته ځواب ورکړئ.