(کابل ټکی کام ۱۳۹۶مرغومی ۳۰ فرید افغان)
روغتیاپوهان وایي چې که څوک اوبه زیاتې څښي روغتیایي سټه به یې پیاوړې او د مختلفو نارغیو څخه به ژغورلی وي.
امریکایي څیړونکو څوکاله وړاندې په یوه ترسره شوې څیړنه کې ویلي و، چې د انسان د مغز ۶۰ سلنه برخه له اوبو څخه ترکیب شوې ده نو په همدې اساس ډیرې اوبه څښل د یادښت ځواک پیاوړی کوي او د ذهني کمزوريو او د بدن د مالګو مخه نيسي.
برتانوي څیړونکو هم موندلې چې اوبه په ذهني ځواکمنۍ کې مهم رول لري او زیاتوي چې په دې هیواد کې ۸۰ سلنه خلکو د اوبو څښلو له امله د ذهني ناروغيو څخه خونديتوب موندلی او دغه يې بريالې تجربه بللې ده.
همداراز ډاکتران وایي چې؛ په سهار کې په نهاره اوبه څښل د ډېرو ناروغیو لکه نری رنځ، سردرد، د هډوکو درد، د زړه د ناروغیو او د وزن په کمېدو کې پوره مرسته کولای شي.
دوی زیاتوي چې؛ کله چې له خوبه راپورته شئ، نو سمدلاسه بايد څلور ګيلاسه اوبه وڅښئ.
په لومړيو وختونو کې د دومره ډېرو اوبو څښل ستونزمن وي، خو ورو ورو ورسره عادت کيږئ او څومره چې څښلی شی ځان ترې مه درېغوی.
له دې وروسته خپل غاښونه ومينځئ او ۴۵ دقیقې وروسته سباناری «د سهار چای» وکړئ. د سهار له چاي وروسته تر دوو ساعتونو له هر ډول خوراک او څښاک څخه په بشپړه توګه ځان وساتئ، نو په ډېره لنډه موده کې مو په بدن کې مثبتې نښې او بدلونونه وګورئ
اوبه کله کله زیان هم لري، د طبي کارپوهانو په وینا که څوک د خوراک پر مهال يخې اوبه ډیرې څښي دې سره د معدې او سرطان ناروغۍ پيدا کېدای شي.
داکترانو ویلي چې اوبه څښل باید د اسلامي طریقې تر مخه په ناسته وڅښل شي ځکه په ناسته اوبه څښل بدن ته د اړتيا وړ اوبه ننوځي او په ولاړه اوبه څښل بدن ته له اړتيا ډېري اوبه ننوځي
که د اوبو له پاکوالي، ډاډه نه یاست نو لومړی یې جوش او بیا یې تر سړیدو وروسته وڅښئ. په ځینې ملکونو کې د اوبو د پاکولو ځانګړي فلترونه هم شته. کلورین هم د اوبو د پاکولو یوه ښه ماده ده.
متوجه اوسئ! د اوبو ډېر څښل او په شدیده ستړیا کې اوبه څښل هم د ستونزو سبب کېدای شي. د اوبو تسمم او د رقیق والی له امله د سودیم کمښت (delusional hyponatremia) د دماغ د تخریب او سږو د زیان سبب کېدای شي. پدې حالت کې د بدن د الکترولیتونو توازن ګډوډېږي او over-hydration منځ ته راځي.
