جګړه چې په هر هېواد کې روانه وي ، دمالي لګښت پرته پرمخ نه ځي او نه پکې کاميابي ترلاسه کېږي . څومره چې په جګړه کې وينې توېږي دهغې لس چنده او سل چنده مالي لښګت کېږي، يوازې داسلام دمقدس دين سپېڅلي جهاد دی چې مسلمانان يې د الله درضا او خپل شهادت په موخه وړيا ډول کېږي او غواړي ددنيا د څو پيسو نه تېر خپل ابدي ژوند روښانه کړي.يو شمېر کورنيو او بهرنيو رسنيو راپورنه خپاره کړي ، چې په هلمند کې دنورو ولاياتو په پرتله زياته جګړه دپيسو په زور راوانه ده. دلیل يې دا څرګند وي چې په هلمند ولايت کې دنورو ولایاتو په څېر له دولتي مرکزونو څخه عسکر دمعاشونو دنه ورکړې له امله کورونو ته تښتي، چې په مقابل کې طالبانو ته په دولتي ځوکونو دکاميابيو ښه فرصت په لاس ورځي.
دبله پلوه دهمدې راپورونو د نشر په اساس دولت غواړي په هلمند ولايت کې دهغو عسکروته چې معاشونه يې نه دي ورکړي او څو مياشتې انتظاريې ايستلی که څه هم دمعاشونو دنه ورکولواعتراف دولتي چاوراکو نه دی کړی خو دسېمې د پوليسو د وينا له مخې درې څلور مياشتې معاشونه نه دي ورکړل شوي. دولت ځنډيدلو معاشونو سره سره اضافي پيسې په يوه او بل نامه هم ورکوي غواړي دعسکرو دتيښتې مخه ونيسي .
دبل خوا ديخنۍ دموسم په رارسيدو سره په پخوا دطالبانو په بريدونو کې يو څه کمښت راته؛ خو سره له دې چې دولت او غربي رسنۍ دطالبانو پرخلاف پراخ تبليغات کوي بيا هم په دې يخ واورين ژمي کې طالبان پردولتي پوځي او هوايي ډګرونو بريدونه کوي، چې دطالبانو بريدونه او جګړې هم دګرمۍ دموسم په پرتله په زمي کې زیات مالي لګښتونه لري .
د انډينډنټ ورځپاڼې او نورې رسنۍ بيا دافغانستان په جګړه دريم نوي راپيدا لوری چې د داعش په نامه يادېږي دهغې ډلې يادونه هم کوي چې داعش دوسلو او پيسو په زور ددولت په دپوځي مرکزونو تښتيدلي عسکر او دولس بې روزګاره ځوانان جذبوي او په زياتو پيسو يې په خپلو ليکوکې شامله وي خو دريم دداعش دلورې دپيسو په زور جذب او دخپلو خپلو دزياتو ترديد يې دولت او طالبانو دواړو کړی دی.
زمونږ دفاع او دکورنیو چارو وزارتونو دواړو ويلي دي چې دهېواد په ختيځ ننګرهار ولايت کې دداعش ډلې زور يې او به کړی او ترغارونو پرې يې ځغلولي دي زياته برخه يې وژلي او پاتې يې له ننګرهاره تښتيدلي دي.
طالبانو هم تل په خپلو خبرپاڼو کې رسنيو ته ويلي چې داعش ډله يې ځپلي او دبيامقاومت توان نلري خو ايراني رسني چې داعش ډله دبرتانيې ، امريکا او اسرايلو تمويل کیدونکې ډله بولې او پراخه وسلې ،پيسې ورکوي غواړي لومړی دشيعه او بيا اسلامي نړۍ پرخلاف په فارس او اسيا کې ظهور ته زياتوالی ورکړي.
زمونږ د دولت لويه کمزوري او ستونزه دا ده چې دطالبانو سره دسولې او دداعش سره دجګړې قاطع دريخ نلري ؛ ځکه خو دپارلمان دغړو اعتراضونه پرې کېږي او ددولت پځ دريځ مونږ ته همدا ډول ستونزې راپيدا کړي دي.
