په سوريه کې تر جګړې زياته مرګ ژوبله اوربند واړوله

« تبصره »

دوه اونۍ د مخه د ملګرو ملتونو لخوا پرېکړه وشوه ، چې په سوريه کې د دولت او مخالفو وسله والو ترمنځ د مذاکراتو لپاره بايد اوربند وکړل شي ، په دې غونډه کې چې د ملګرو ملتونو ځانګړي  استازي سټیفن ډې مستورا په بلنه جوړه شوې وه ، د سوريې دولتي چارواکو او ترسلو پورې د بېلا بېلو ګوندونو مشرانو برخه واخيسته خو د داعش او النصر جبهې کوم استازي دې غونډه کې ونه ليدل شول.

د ملګرو ملتونو لخوا سوريه کې اوربند اعلان شو ، چې امريکايي چارواکو له يوې خوا د شوي اوربند د موافقې هرکلی وکړ او له بلې خوا يې وويل ، چې النصرجبهه او داعش له دې اوربنده ازاد دي ؛ ځکه د دی دواړو استازي په غونډه کې حاضر نه وو.

 تېره ورځ د فبرورۍ په ۲۹ تمه په سوريه کې اوربند وشو؛  خو داعش خپلو بريدونو ته د پخوا په څېر دوام ورکړ، چې په مقابل کې روسي ځواکونو هم د داعش پرمرکزونو بمباريو ته دوام ورکړ او د جګړې پرمهال به د سوريې ولسي وګړو ځانونه خوندي ځايونو ته رسول خو د اوربند اعلان سره چې د روسيې الوتکو د داعش په مرکزونو بمباري کوله سوريي وګړوته هم زياته مرګ ژوبله وا وړېده .

امريکايي رسنيو ويلي چې روسي هوايي ځواکونو په سوريه کې اوربند نه ده مراعت کړی او ملکي وګړو ته زياته مرګ ژوبله اوړيدلې ده؛ خو له سوريې څخه په ترلاسو شوو راپورونو او هم د روسي هوايي ځواکونو راپورونه وايي چې داعش مرکزونه بمبار شوي او ملکري وګړو ته تاوان نه دی رسيدلی .

له بلې خوا په سوريه کې اوس هم هغو سيمو ته سره له دې چې اوربند اعلان شوی بشري مرستې نه دي رسيدلي ، کومې چې د بشار الاسد پلوي ځواکونو او مخالفو وسله والو ترمنځ په جګړو نا امنه ګرځول شوي وي.

د ملګرو ملتونو لخوا په دې انديښنه ښودل شوي ، چې نا امنه سيمو کې په لکونو ملکي وګړي د خوراکي توکو د نيشتوالي له امله له مرګوني ګواښونو سره مخ دي ؛ خو دا چې د داعش بريدونه او په مقابل کې د روسيې الوتکو بمباري روانه ده د سوريې بشري ناورين جګړې د دوام څخه په اوربند کې زيات شو.

امريکا هڅه کوي د داعش د ډلې په اکمالولو سره په سوريه کې د بشارالاسد حکومت نسکور کړي ؛ خو ايران او روسيه بيا په سوريه کې د بشارالاسد د حکومت پلوي او د داعش نوي راپيدا کړل شوې جنګي ډلې مخالفت کوي دواړه هېوادونه روسيه او ايران د داعش ډلې له بريدونو ، چې ايران يې د امريکا ، برتانيې ، اسرايلو او سعودي عربستان شريکه پروسه بولې پر خلاف خپلې هلې ځلې کوي.

روسيې چارواکو په وار وار ويلي چې داعش به سوريه کې سرپورته کيدو ته پرېنږدي ؛ ځکه خو د داعش پرخلاف هوايي بريدونو ته دوام ورکوي.